Diuteronomi 32:14 - Edo Bible (E Baibol Ẹdo) Version 1996

¹⁴ Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.

Diuteronomi 32:14 ပူးပေါင်းရင်းမြစ်များ

Gẹnẹsis 18:8

Ọ keghi rhie ewẹn ẹmila ọgbọn kevbe emiowo nii, ọ keghi viọ ẹre yotọ vbe odaro emwa nii. Iran ghi rri evbare nẹ, ọ keghi mudia ke iran vbe ototọ erhan nii.

Gẹnẹsis 49:11

Ọ ghi de ovbi ekẹtẹkẹtẹ mu ovbi alimo. Ye erhan alimo ne ọ maa sẹẹ vbọ. Ọ ghi ye ayọn họ ukpọn rẹn vbe uwu ayọn ne ọ baa vbe esagiẹn.

Nehimaia 9:25

Emwa ruẹn khọn avbe ẹvbo ne a gbe ekẹn gaa, otọe esiesi kevbe, owa ni vuọn ne emwi ẹfe, avbe uhae ne a fian ye otọ nẹ. Avbe erhan oliv, erhan ni mọ ọmọ kevbe avbe ogba azara iran rri evbare nẹ ọ khọn iran, iran na gha ti ye egbe, iran ke ya emwi ne u viọ ne iran gha ku obọ ye uwa.

Nehimaia 9:26

“Sokpan, emwa ruẹn sọtẹ, iran ma họn ẹmwẹ ne uẹn iran keghi fi iyeke gbe Uhi ruẹ, iran gbele avbe akhasẹ ni bu iran ude ni tama iran ne iran dọlegbe bu ruẹ gha dee iran kegha yagha a yan egbe yan egbe.

Job 20:17

Rẹn i ra gha rrọ ne ọ miẹn ẹzẹ ofigbọn oliv. Ra avbe ẹzẹ ne ọ lẹ owọn kevbe ewẹn ẹmila.

Job 29:6

Ewẹn ẹmila kevbe ọghe ẹwe mwẹ, keghi gha la ẹsẹse, erhan oliv mwẹ kegha wan vbe otọ ne okuta ghi na bun sẹ.

Psalm 147:14

Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 81:16

Sokpan, I gha ya ọka ne ọ mose sẹẹ koko uwa I gha ya owọn oha sẹ uwa ọkẹn.”

Aizaia 7:15

Ọ ghi te wan sẹ ne ọ ghi ya ẹwaẹn obọ ẹre zẹ emwi ru, emwa gha a wọn ewẹn ẹmila, iran ghi vbe gha rri owọn.

Aizaia 7:22

ewẹn iran gha la sẹrriọ wẹ, ọ gha mwẹ sẹ vbene ọ ho. Ẹn, ikpirogho eva ni ghi miẹn uhunmwu vbe otọ nii, gha miẹn ewẹn ẹmila kevbe owọn gha re.

Ezikiẹl 39:18

Te iran khian rri ikun avbe ivbiyokuo, iran ghi vbe wọn esagiẹn iran ni khaemwisẹ, vbe agbọn, iran na hia fẹẹrẹ ne a ra gbele ua zẹ vbe ogho, ra avbe oteghe ohuan ra ẹwe, ra ẹmila ni tii.

Hozia 11:4

Ahoẹmwọmwa kevbe ẹnina, ọ re I ya si iran kẹ egbe I tọn iran mu kpao vbe otọ, I keghi mu irho ye iran irho, I ghughẹ rre, I na gha koko iran.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Nọmbas 18:12

“I ra vbe viọ emwi okọ nọ maa vbe uwu ne ivbi Izrẹl ka rhọ ne iran viọ gun mwẹ ukpukpo ne uẹn, ofigbọn oliv, ayọn kevbe ọka.

Diuteronomi 28:47

E Nọyaẹnmwa keghi fiangbe uwa vbe odẹ hia sokpan wa ma ye ẹko oghọghọ kevbe ọyẹnmwẹ ga ẹe.

Arhie Maan 14:20

A keghi minọ avbe ọmọ azara nii vbe uwu okọ nii, ne ọ rre vbe a gha la hin ore ẹvbo rre nẹ, esagiẹn kegha lẹ ke uwu okọ nii ladian, ehe ne ọ lẹ orogho la kegha re omwa ibiriki uri, ne udinmwimwẹ ọnrẹn vbe re omwa ibata isẹn.

Giọgis 5:25

E Siseria nọ rẹn amẹ, sokpan ọ keghi sa ewẹn ne ẹẹn, ọ na ye ọkpan mose mose mu ewẹn ẹmila gie ẹe