Diuteronomi 32:11 - Edo Bible (E Baibol Ẹdo) Version 1996

¹¹ Zẹ vbe oghohọn ne ọ ma ivbi ẹre utinmwẹ, ne ọ na ye ifuẹn ne a rhanrẹn da iran yi, e Nọyaẹnmwa ma gie Izrẹl de.

Diuteronomi 32:11 ပူးပေါင်းရင်းမြစ်များ

Gẹnẹsis 1:2

Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Aizaia 31:5

Zẹ vbene ahianmwẹ gho lẹga oko ẹre, ne ọ tan ifuẹn ga ivbi ẹre, erriọ mẹ ne Nọyaẹnmwa ne Oghodua gha degue Jerusalẹm ne I tan obọ gue ẹre.”

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 46:4

Mẹ ọrọre Osanobua uwa, I gha gbe aro ghe uwa rhinrin wa te do khian ọmaẹn, ne uwa fu edẹ. Mẹ ọ re ọ yi uwa, I gha gbearoghe uwa I gha rhie iyobọ ne uwa, I ghi fannọ uwa vbe irri.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 13:11

Zẹ vbene utalawẹ rhikhan mu ọmwa ẹkun, erriọ I te ho ne ivbi Izrẹl hia kevbe Juda, da mwẹ yi gbain. I keghi ru ọna, ne iran miẹn ehe na gha re emwa mwẹ, ne iran rhie urhomwẹ kevbe ọghọ gie eni mwẹ, sokpan, iran ma họn ẹmwẹ mẹ.”

Hozia 11:3

Vberriọ, mẹ ọ re ọ ma Izrẹl okhian I mu emwa mwẹ vbe ekuabọ, sokpan, iran ma miẹnkue ighe mẹ ọ re ọ gbearoghe iran.

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”

Hibru 11:3

Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.

Arhie Maan 12:14

A ke viọ ifuẹn nekhua eva ọghe oghohọn nẹẹn ne ọ ya tin gha rrie ihe ẹre vbe uwu ato, ehe ne a ra na koko ẹe la ukpo eha vbe ukhiọnmwẹ, ehe ne obọ ẹyẹn nii i ra na vba ẹre ne ọ gu ẹe gbinna.

Arhie Maan 12:4

Ọ keghi ya ẹrhunrhun kpolo obọ ọkpa vbe a gha wa avbe orhọnmwẹ ni rre iso ye eha, ọ na kpolo ẹe ku otọ agbọn. Ọ keghi mudia ye odaro okhuo ne ọ khian biẹ nii wẹ, ọ gha wa biẹ, ne irẹn gbe ẹre ọmọ re.