Diuteronomi 32:10 - Edo Bible (E Baibol Ẹdo) Version 1996

¹⁰ “Ọ keghi vbe miẹn vbe iran hẹ yo hẹ rre vbe uwu ato, ato ne emwa i ye ne ẹhoho kpolo, ọ degue iran, ọ na gbe aro ghe iran zẹ vbe ne ọ gha ru egbe irẹn.

Diuteronomi 32:10 ပူးပေါင်းရင်းမြစ်များ

Ẹsta 6:13

Ọ keghi na iyẹn emwi ne ọ sunu vbe egbe irẹn ma amwẹ ọnrẹn kevbe avbe esiọre. Okhuo nii kevbe avbe esiọre ni wan ni keghi tama rẹn wẹẹ, “U hẹko laghe iyeke ne Modekai khian nẹ. E Ju rẹn khin, obọ ruẹ i sẹtin ke ukhunmwu ne ẹẹn. Vbene a i na gba awẹawẹ, ọ gha ma ruẹn.”

Psalm 107:40

ọ ghi mu ohu ghe iran ni zẹ iran kpokpo, ọ ghi ye iran gha kpolugho vbe ato ne odẹ i ye.

Psalm 17:8

Degue mwẹ, zẹ vbene u gha ru aro ruẹ, rhie mwẹ lẹre, ye aghọnghọn ifuẹn ruẹn.

Itan 7:2

Ru vbene I khare, u gha di agbọn ya. Rhiegba ye ẹmwẹ ne u gha ru vbene I ma ruẹn re, zẹ vbene u rhiegbe ye ẹmwẹ wẹ ne emwi i ghẹ degbe uẹ aro.

Ihuan Ne Ọ Sọọ Ihuan Hia 8:5

De ọmwa ne ọ ke uwu ẹgbo de na yi ne irẹn vbe enida ẹre gba rhie egbe obọ? Ototọ erhan otiẹn ọ re I na huẹn ruẹn vbe ehe ne a na biẹ ọọ.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 13:11

Zẹ vbene utalawẹ rhikhan mu ọmwa ẹkun, erriọ I te ho ne ivbi Izrẹl hia kevbe Juda, da mwẹ yi gbain. I keghi ru ọna, ne iran miẹn ehe na gha re emwa mwẹ, ne iran rhie urhomwẹ kevbe ọghọ gie eni mwẹ, sokpan, iran ma họn ẹmwẹ mẹ.”

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Ezikiẹl 16:5

A ma miẹn ne ọ tohan ruẹn ne ọ ru avbe emwi na rhọkpa nuẹn. Ẹghẹ ne a na biọ, ọmwa rhọkpa ma ho ẹmwẹ ruẹn a keghi wa fi ọ fi oha kẹkan.

Ezikiẹl 20:36

I gha bu ohiẹn gbe uwa vbene I vbe bu ohiẹn gbe avbe erha uwa vbe Ato Sainai,” erriọ ọ re Nọyaẹnmwa ne Udazi khare.

Hozia 11:3

Vberriọ, mẹ ọ re ọ ma Izrẹl okhian I mu emwa mwẹ vbe ekuabọ, sokpan, iran ma miẹnkue ighe mẹ ọ re ọ gbearoghe iran.

Hozia 13:5

Mẹ ọ re ọ gbearoghe uwa vbe otọe ato ne ọ kae.

Zẹkaraia 2:12

E Juda gha dọlegbe do gha re emwiobọ kpataki ọghe Nọyaẹnmwa vbe otọe ọre nọhuanrẹn, e Jerusalẹm gha do gha re okpẹvbo ne irẹn gha ho ẹmwẹ ọnrẹn sẹẹ ehia fẹẹrẹ.

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Ebe ne Pọl gbẹẹn gie emwa Rom 2:18

U rẹn emwi ne Osanobua ho ne u gha ru, nene Uhi vbe ma ruẹn re nẹ ne u gha dobọ mu emwi ne ọre ne ọkere.

Ebe ne Pọl gbẹẹn gie emwa Rom 3:2

Ẹsẹse, vbe ẹmwata, vbe odẹ hia. Vbe ne okaro, avbe Ju ọre Osanobua rhie ẹmwẹ ọnrẹn nẹ rhie mwẹ.

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 1:31

Kevbe uwu ato. Wa miẹn vbene ọ ya viọ uwa do sẹ emwa na hẹ ke odọ hia gha dee, zẹ vbene erha mu ovbi ẹre.’

Diuteronomi 4:36

Ọ gie uwa họn urhu ẹre ke ẹrinmwi rre, ne ọ miẹn ehe na ma uwa emwi vbe agbọn na, ọ gie uwa bẹghe erhẹn ọnrẹn ne ọ huanrẹn, ọ na ke uwu ẹre gha gu uwa guan.