Diuteronomi 30:8 - Edo Bible (E Baibol Ẹdo) Version 1996

⁸ Wa ghi do dọlegbe gha họn ẹmwẹ nẹ ẹẹn, wa ghi vbe gha rhie avbe iyi ẹre hia ne imẹ rhie ne uwa ẹrẹna ne uwa ya ẹe gha ru emwi mwẹ.

Diuteronomi 30:8 ပူးပေါင်းရင်းမြစ်များ

Itan 16:1

Ma sẹtin gha mwamwa emwamwa ọghe obọ mwa sokpan, e Nọyaẹnmwa ọ re ọ ta ọfo yọ.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Ezikiẹl 36:27

I gha rhie orhiọn mwẹ ye uwu uwa, I ghi vbe miẹn wẹ wa ya uhi kevbe iyi mwẹ ru emwi.

Ezikiẹl 37:24

Ọba ne ọ yevbe Devid ne ọguọmwadia mwẹ ghi gha re ọba iran. A gha si iran hia koko ye ototọ enọkhaemwisẹ ọkpa, iran ghi gha ye ekhọekekhọe ya uhi mwẹ ru emwi.

Ẹfisọs 2:16

Vbe ekpa uwu ne ọ wu vbe uhunmwu ugbugbe, Jesu keghi wabọ irriakhuẹ ne ọ rrọọ, vbe ekpa nene ugbugbe, rẹn keghi ku ẹwae eva ni kugbe ya khian egbe ọkpa, ọ keghi viọ iran werriegbe bu Osanobua gha dee.

Diuteronomi 30:2

“Ẹkpo nii wa kevbe avbe ivbi uwa ghi fiwerriẹ bu e Nọyaẹnmwa gha dee, wa ghi ye ekhọe uwa hia kevbe orhiọn uwa hia gha lele uhi e Nọyaẹnmwa ne imẹ rhie ne uwa ẹrẹna.

Diuteronomi 30:7

Rẹn ghi khuẹ avbe ihẹn na hia gie avbe eghian uwa, iran ni gha khu iwu uwa, iran na vbe gha zẹ uwa kpokpo.

Diuteronomi 30:9

E Nọyaẹnmwa gha gie emwi ne uwa ru hia gha dinna odẹ, wa gha mwẹ emọ ni bun kevbe avbe ẹmila ni bun, ugbo uwa ghi gha mọ emwiokọ ni bun ẹsẹse. Ẹko gha rhiẹnrhiẹn ọẹn ne ọ gie uwa gha ma an zẹ vbene ẹko rhiẹnrhiẹn ọẹn gie agbọn ma erha uwa odede.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.