Diuteronomi 30:4 - Edo Bible (E Baibol Ẹdo) Version 1996

⁴ Ọ gha khọnrẹn ne a zagha uwa gha rrie okhiẹ ehe ne agbọn sẹ, e Nọyaẹnmwa Osanobua rua dọlegbe viọ uwa rre.

Diuteronomi 30:4 ပူးပေါင်းရင်းမြစ်များ

I Ọba 8:34

u ghi danmwehọ iran vbe ẹrinmwi, ya orukhọ emwa ruẹn bọ iran, ne u vbe viọ iran werriegbe gha die otọ ne u mu ne erha iran odede.

II Krọnikol 30:9

A dẹghe wa werriegbe bu e Nọyaẹnmwa gha dee, ẹghẹ nii, iran ni viọ etẹn uwa oghunmwu gha rrie gha tohan iran, iran ghi gie iran werriegbe gha die owa. E Nọyaẹnmwa ne Osanobua uwa, ọmwa ne ọ fu ẹko kevbe ne ọ tohan ọmwa nọ, ọ gha rhan obọ miẹn uwa.”

Nehimaia 1:9

Sokpan a deghẹ wa ghi vbe werriegbe bu mwẹ rre, wa na gha ru vbene I gie, I gha viọ uwa werriegbe gha rrie ehe ne I zẹe wẹ ne a na gha ga mwẹ, ọ gha khọn rẹn wẹ ehe ne agbọn na sẹe ọ re a zagha uwa kua gha rrie.’

Aizaia 27:12

Vbe ẹdẹ ne ẹdẹrriọ, ke Yufretes kpao ya sẹ ehe ne otọe Igipt lae, e Nọyaẹnmwa gha hannọ emwa rẹn ladian ọkpọkpa, zẹ vbene a khan ọka hin ihunhun rre.

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 48:20

Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Jerimaia 31:8

I gha viọ ke odẹ okuọ gha dee, I ghi vbe si iran koko ke ufomwẹ agbọn gha dee, avbe arhuaro kevbe avbe arọe gha lele iran rre, ikhuo ni hanmwa kevbe iran ni gha ra biẹ iran gha werriegbe rre, uhunmwu ẹvbo nọkhua.

Jerimaia 8:3

A vbe ivbi ẹvbo dan na ni ghi miẹn uhunmwu vbọ, ni rre dọmwadẹ ehe ne I zagha iran kui, gha ho wẹ iran wu ọ re ọ maa sẹẹ ne iran gha rre agbọn, Mẹ ne Nọyaẹnmwa ne Oghodua tae nẹ.”

Ezikiẹl 36:24

I gha viọ uwa ke avbe uhunmwu ẹvbo kevbe agbọn ẹvbo ladian, I ghi viọ uwa werriegbe gha die otọe uwa.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Iyẹn ne ọ Maan Ọghe Mak 13:27

Rẹn gha gie avbe odibosa ẹre gha rrie igie enenẹ ọghe agbọn, ne iran si avbe emwa ne Osanobua hannọ zẹ si koko ke okhiẹ agbọn ọkpa ya sẹ nọkpa.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.