Diuteronomi 30:2 - Edo Bible (E Baibol Ẹdo) Version 1996

² “Ẹkpo nii wa kevbe avbe ivbi uwa ghi fiwerriẹ bu e Nọyaẹnmwa gha dee, wa ghi ye ekhọe uwa hia kevbe orhiọn uwa hia gha lele uhi e Nọyaẹnmwa ne imẹ rhie ne uwa ẹrẹna.

Diuteronomi 30:2 ပူးပေါင်းရင်းမြစ်များ

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

I Krọnikol 29:9

Emwa nii keghi ya ekhọe obọ iran viọ emwi gie Nọyaẹnmwa, iran keghi ghọghọ wẹ emwi ne a viọ rre bun sẹ vberriọ. Ẹko keghi kakabọ rhiẹnrhiẹn e Devid ne ọba tobọ ẹre.

II Krọnikol 30:9

A dẹghe wa werriegbe bu e Nọyaẹnmwa gha dee, ẹghẹ nii, iran ni viọ etẹn uwa oghunmwu gha rrie gha tohan iran, iran ghi gie iran werriegbe gha die owa. E Nọyaẹnmwa ne Osanobua uwa, ọmwa ne ọ fu ẹko kevbe ne ọ tohan ọmwa nọ, ọ gha rhan obọ miẹn uwa.”

Nehimaia 1:9

Sokpan a deghẹ wa ghi vbe werriegbe bu mwẹ rre, wa na gha ru vbene I gie, I gha viọ uwa werriegbe gha rrie ehe ne I zẹe wẹ ne a na gha ga mwẹ, ọ gha khọn rẹn wẹ ehe ne agbọn na sẹe ọ re a zagha uwa kua gha rrie.’

Psalm 119:2

Afiangbe ọrọre ọghe iran ni lele iyi ẹre ni họn ẹmwẹ ne ẹẹn kekhọekekhọe.

Psalm 119:80

Gun mwẹ sẹtin gha ya iyi ruẹ ru emwi fo ne a ghẹ gie obọ gba mwẹ.

Psalm 41:12

U gha yọmwẹ obọ rhunmwuda, emwi ne ọ gbae ọ re imẹ ru. U gha rhie mwẹ ye ehe ne u ye ẹdẹdẹmwẹdẹ.

Jerimaia 29:13

Wa gha gualọ mwẹ, wa ghi vbe miẹn mwẹ. Wa gha miẹn mwẹ rhunmwuda, wa gha ye ekhọe hia gualọ mwẹ.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Eve Orriara 3:32

Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.

Eve Orriara 3:40

Wa gie ima ghe vbene ima yin hẹ, ne a fiwerriẹ bu e Nọyaẹnmwa.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Levitikọs 26:40

“Sokpan avbe ivbi uwa gha miẹn orukhọ iran kue, ọghe avbe erha iran odede kue, emwa ni muan mwẹ ẹmwẹ, iran na vbe sọtẹ ghe mwẹ.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

II Kọrinti 3:16

Sokpan, a rhie ẹre hin rre zẹ vbene ebe kha re, “Mosis gha werriẹ aro ghe ehe ne Nọyaẹnmwa ye, a ghi rhie ukpọn nii hin rre.”

Ẹfisọs 6:24

Te ẹsọhẹ Osanobua gha gu emwa hia ni mwẹ aho ẹmwẹ ọmwa ne ẹ i worua ghe Nọyaẹnmwa Jesu Kristi gha rrọọ.

Diuteronomi 13:3

Ghẹ zẹdẹ zẹ ye ọ re hiehiere, e Nọyaẹnmwa Osanobua ruẹ ọ re ọ ya ẹe danmwẹ ọẹn ghe, ne ọ miẹn ehe na ghe a deghẹ wẹ ye ekhọe ruẹ hia kevbe orhiọn ruẹn hia ho ẹmwẹ Nọyaẹnmwa.

Diuteronomi 6:5

Ye ekhọe ruẹ hia ho ẹmwẹ Nọyaẹnmwa Osanobua ruẹ, kevbe orhiọn ruẹn hia kevbe ẹtin ruẹn hia.

I Jọn 1:9

Sokpan a deghẹ ma miẹn orukhọ mwa kue ma Osanobua, rẹn gha mu eyan ọghọe sẹ, ọ ghi ru vbene ọ keyi, ọ gha ya orukhọ mwa bọ mwa, ọ ghi vbe kpe mwa hin uwu abakuru mwa hia rre.