Diuteronomi 3:9 - Edo Bible (E Baibol Ẹdo) Version 1996

⁹ (Oke Hẹmọn ọ re emwa Sihọn tie ẹre Siriọn, emwa Amọri keghi tie ẹre Seni.)

Diuteronomi 3:9 ပူးပေါင်းရင်းမြစ်များ

I Krọnikol 5:23

Ivbi e Manasẹ ne odẹ ahọ keghi yin otọe e Basian rhinrin ya sẹ Baal Hẹmọn, Seni, Oke Hẹmọn, iran keghi wa gha muan yọ ẹsẹse.

Psalm 133:3

Ọ yevbe evbu ne ọ tuo vbe Oke Hẹmọn, ne ọ tuo ye avbe oke Zaiọn. Evba nii i ọ re Nọyaẹnmwa na ve afiangbe ẹre, agbọn ne ẹ i mwẹ ọfo.

Psalm 29:6

Ọ ya avbe oke Lebanọn gha san vbe ogho, ọ keghi vbe ya Oke Hẹmọn gha san vbe ovbi ẹmila.

Psalm 42:6

Te udu mwẹ ghi ra kpaẹn vbe ehe ne I na rre iwe rhunmwuda ọnii, mẹ keghi werriẹ iro mwẹ da irẹn. Ọ gie ubimwẹ amẹ ọghe akhiẹ gie orhiọn mwẹ. Ke uhunmwu Oke Hẹmọn kevbe Oke Miza gha dee.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Ihuan Ne Ọ Sọọ Ihuan Hia 4:8

Lele mwẹ ke Oke Lebanọn gha dee, ọha mwẹ lele mwẹ ke Lebanọn gha dee. Tuorre ke uhunmwu Oke Amana gha dee ke uhunmwu Oke Sena kevbe Oke Hẹmọn gha dee ehe ne avbe oduma kevbe akpakomiza ye.

Ezikiẹl 27:5

iran giagia avbe erhan ni rre Oke Hẹmọn ya ru igẹdu a keghi vbe ye sida ne ọ ke Lebanọn rre ru ukpọn ne ẹhoho ya mu okọ khian ọwuẹ.

Jọsua 11:17

Ke Oke Halek kpao vbe ọkpẹn Idọm ya sẹ Balgad vbe iya ọghe Lebanọn vbe odẹ ekẹn ọghe Oke Hẹmọn, ọ keghi gbele avbe ọba ni rrọọ hia a. Vbe ọ ghi gu iran khọn la ẹghẹ ne ọ taẹn vbe otọ nẹ.