Diuteronomi 3:8 - Edo Bible (E Baibol Ẹdo) Version 1996

⁸ “Ẹre a na miẹn wẹ ẹghẹ ni ọ re ima na viọ ẹvbo hia ni rre odẹ ahọ Ẹzẹ Jọdan hin obọ avbe ọba Amọri eva rre, kevbe Ẹzẹ Anọn ya sẹ oke Hẹmọn.

Diuteronomi 3:8 ပူးပေါင်းရင်းမြစ်များ

I Ọba 4:19

E Geba ne ovbi Uri: otọe Giliad ne ọba e Saihọn ọghe Amọn, kevbe ọba Ọg ọghe Basian te ka gha khaemwisẹ yan. Deba iran ne iweva na ni khaemwisẹ ọkpa kevbe gha rre otọe Juda.

I Krọnikol 5:23

Ivbi e Manasẹ ne odẹ ahọ keghi yin otọe e Basian rhinrin ya sẹ Baal Hẹmọn, Seni, Oke Hẹmọn, iran keghi wa gha muan yọ ẹsẹse.

Psalm 42:6

Te udu mwẹ ghi ra kpaẹn vbe ehe ne I na rre iwe rhunmwuda ọnii, mẹ keghi werriẹ iro mwẹ da irẹn. Ọ gie ubimwẹ amẹ ọghe akhiẹ gie orhiọn mwẹ. Ke uhunmwu Oke Hẹmọn kevbe Oke Miza gha dee.

Psalm 89:12

Wẹ ọ re ọ yi odẹ okuọ kevbe ekẹn Oke Tabọ kevbe Oke Hẹmọn iran hia ya oghọghọ so ihuan ghe ruẹ.

Diuteronomi 4:47

Iran keghi yin otọe ẹre kevbe ọghe Ọg ne ọba Basian. Iran na ọrọre avbe ọba Amọri ni rre odẹ ahọ e Jọdan.

Diuteronomi 4:48

Otọe ne iran ya khian ọghe iran na keghi ke ẹvbo Aroẹ kpao vbe okhiẹ Ẹzẹ Anọn wa gha khian ya sẹ oke Siriọn, onii nọ wẹ ekẹn Hẹmọn.

Jọsua 12:1

Ivbi Izrẹl keghi khọn, iran na vbe yin otọ ne ọ rre odẹ ahọ ọghe Jọdan kevbe Iya ọghe Anọn kpao ya sẹ Iya ọghe Jọdan kevbe Oke Hẹmọn. Vbe odẹ okuọ avbe ọna ne ivbi Izrẹl khọn miẹn ẹre otọ ena khin.

Jọsua 13:8

A keghi mu otọe ne ẹwae Riubẹn, Gad kevbe obọkpa vbe ẹwae Manasẹ, vbe odẹ ahọ ọghe Jọdan. Ọnii ọ re Mosis ne ọguọmwadia e Nọyaẹnmwa mu ne iran.