Diuteronomi 3:3 - Edo Bible (E Baibol Ẹdo) Version 1996

³ “Ẹre Nọyaẹnmwa na vbe rhie Ọg ne ọba kevbe emwa rẹn yan ima obọ, ma na gbele iran hia, ọkpa i vbe rrọ ne ima ma khọn mu otọ.

Diuteronomi 3:3 ပူးပေါင်းရင်းမြစ်များ

Psalm 136:20

Kevbe Ọg ne ọba ivbi e Basian; etẹbitẹ ọ re ahoẹmwọmwa rẹn khin.

Nọmbas 21:35

Ẹre ivbi Izrẹl na gbe Ọg, kevbe ovbi ẹre kevbe emwa ni hia vbe ne ọkpa ma na vbe ke ẹe vbo, iran na yin otọe nii.

Diuteronomi 29:6

Wa ma gha mwẹ ebrẹd ne uwa gha re ra ayọn ra ebiẹ ne uwa gha da, sokpan e Nọyaẹnmwa keghi viọ emwi ne ọ ke ne uwa, ne uwa, ne ọ miẹn ehe na rhie maa uwa wẹ rẹn ọrọre Osanobua uwa.

Diuteronomi 3:2

Sokpan, e Nọyaẹnmwa keghi tama mwẹ wẹẹ, ‘Ghe gie ohan rẹn mu ẹẹn. I gha rhie irẹn kevbe ẹvbo ẹre hia kevbe emwa rẹn yan ruẹn obọ, u ghi vbe ru ẹe vbene u ru Sihọn ne ovbi Amọri ne ọ rriọba vbe Hesbọn.’

Diuteronomi 3:4

Ẹvbo ne ima munọ ẹn hia kegha re iyeha, iwewe Agọb, ehe ne Ọg ne ọba Basian khaemwisẹ yan.

Diuteronomi 4:47

Iran keghi yin otọe ẹre kevbe ọghe Ọg ne ọba Basian. Iran na ọrọre avbe ọba Amọri ni rre odẹ ahọ e Jọdan.

Jọsua 13:12

Kevbe otọe Ọg ne ọ gha khaemwisẹ vbe Astarrọt kevbe Ẹdrẹi (Ọg ọkpa ọrọre ne a ghi fi yi vbe Refeim). E Mosis ka khọn iran na nẹ, ọ na vbe khulo iran ladian.

Jọsua 13:30

Otọe iran keghi ke Mahanem kpao kevbe otọe arriọba Ọg hia, ọba Basian deba okpẹvbo iyeha ne ọ re ọghe Jea vbe Basian.