Diuteronomi 3:27 - Edo Bible (E Baibol Ẹdo) Version 1996

²⁷ Gha rrie uhunmwu oke Pisga vbe ehe ne ọ sẹe ne u ghe odẹ okuọ kevbe ekẹn, ahọ kevbe orrie. Kakabọ gbe aro ke otọ ghe emwi ne u bẹghe rhunmwuda, wẹ i ra fian Jọdan rra.

Diuteronomi 3:27 ပူးပေါင်းရင်းမြစ်များ

Nọmbas 20:12

Sokpan e Nọyaẹnmwa gue e Mosis kevbe Errọn gui wẹẹ, “Rhunmwuda ne uwa na ma mwẹ iyayi sẹ ne uwa mu ẹtin yan ẹtin mwẹ ne ọ huanrẹn vbe odaro ivbi Izrẹl, wa i ghi ra su iran la otọ ne I ve wẹ I gha mu ne iran.”

Nọmbas 23:14

Ọ keghi rhie ẹre gha rrie ako oha ọghe Zofin vbe uhunmwu oke Pisga. Ọ keghi vbe gba aka ihinrọn vbe evba, ọ na ya ẹkhuia ẹmila ọkpa ke ogho ọkpa zọ ese vbe uhunmwu ọkpọkpa vbọ.

Nọmbas 27:12

E Nọyaẹnmwa keghi tama e Mosis wẹẹ, “Hin uhunmwu Oke Abarim ne u tọn aro mu ghe otọe ne I mu ne ivbi Izrẹl.

Diuteronomi 1:37

Rhunmwuda uwa ọ ra Nọyaẹnmwa na vbe gha mu ohu mwẹ, ọ na wẹ, ‘Wẹ nene Mosis tobọ ruẹ, wẹ i ra vbe la otọe nii.

Diuteronomi 31:2

Ọ wẹẹ, “Ukpo iyehan ọ re i ghi ye na, mẹ i ghi ra sẹtin gha re olotu uwa ọvbehe. Ye vbe sẹ ọnii, e Nọyaẹnmwa tama mwẹ ne wẹ mẹ i ra fian Ẹzẹ Jọdan rra.

Diuteronomi 32:49

“Gha rrie Oke ọghe Abarim ne ọ rre otọ Moab vbe ehe ne ọ mu aro da Jẹriko. Mu Oke Nebo hin ne u ghe otọe Kenan ne I ra mu ne ivbi Izrẹl ban.

Diuteronomi 32:52

U ghi ke urria ghe otọe, nii, sokpan wẹ i ra la otọe nii ne I ra mu ne ivbi Izrẹl.”