Diuteronomi 3:26 - Edo Bible (E Baibol Ẹdo) Version 1996

²⁶ “Sokpan rhunmwuda uwa na, e Nọyaẹnmwa keghi mu ohu ghe mwẹ, ọ ma vbe danmwehọ, sokpan ọ keghi kha wẹẹ, ‘Ọnii sẹe! Ghẹ ghi dọlegbe ta ẹe!

Diuteronomi 3:26 ပူးပေါင်းရင်းမြစ်များ

I Krọnikol 17:4

“Gha khian ya tama e Devid ne ọguọmwadia mwẹ wẹ I tama rẹn wẹẹ, ‘Ẹ i re uwẹ ọ gha bọ Ọgua Osa mẹ ne I gha dia.

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

II Kọrinti 12:8

Igba eha ọre I na erhunmwu ghe Nọyaẹnmwa ba ẹre, I na rinmwian ne ọ rhie ẹre hin mwẹ egbe rre.

Diuteronomi 1:37

Rhunmwuda uwa ọ ra Nọyaẹnmwa na vbe gha mu ohu mwẹ, ọ na wẹ, ‘Wẹ nene Mosis tobọ ruẹ, wẹ i ra vbe la otọe nii.

Diuteronomi 31:2

Ọ wẹẹ, “Ukpo iyehan ọ re i ghi ye na, mẹ i ghi ra sẹtin gha re olotu uwa ọvbehe. Ye vbe sẹ ọnii, e Nọyaẹnmwa tama mwẹ ne wẹ mẹ i ra fian Ẹzẹ Jọdan rra.

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”