Diuteronomi 3:22 - Edo Bible (E Baibol Ẹdo) Version 1996

²² Ghẹ gie ohan iran mu ẹẹn, rhunmwuda, e Nọyaẹnmwa Osanobua ruẹ gha gbinna nuẹn.’

Diuteronomi 3:22 ပူးပေါင်းရင်းမြစ်များ

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

II Krọnikol 20:17

Ẹ i re uwa ọ re, ọ ra khọn okuọ na. Ma rhie ihẹ uwa ne uwa mudia, wa gha miẹn vbe Nọyaẹnmwa ra rhie akhọnmiotọ ne uwa. Ivbi e Juda kevbe Jerusalẹm, wa ghẹ si uhe ra ne afianma vbe fian uwa, wa ladian gha rrie okuọ, e Nọyaẹnmwa gha rrọọ yaba uwa!”

II Krọnikol 20:29

Uhunmwu ẹvbo hia ni ghi họn vbene Nọyaẹnmwa ya khọn eghian Izrẹl muotọ hẹ, kegha guo zẹzẹzẹ.

Nehimaia 4:20

Wa ghi bu mwẹ gha dee, Osanobua mwa gha gbinna ne ima.”

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Ẹksọdọs 14:14

E Nọyaẹnmwa gha gbinna ne uwa, emwi ne ọ kan uwa ne uwa gha ru ọrọre ne uwa gha ghe ughe.”

Ẹksọdọs 14:25

Ọ keghi munọ owẹ ikẹkẹ okuo iran mwẹ sẹrriọ wẹ okhian kegha ba so iran. Avbe ivbi Igipt keghi kha wẹẹ, “Wa gie ima lẹ ne ivbi Izrẹl rhunmwuda e Nọyaẹnmwa ọre ọ gu ima gbinna ne iran!”

Nọmbas 21:34

E Nọyaẹnmwa keghi tama e Mosis wẹẹ, “Ghẹ gie ohan rẹn muẹn, I gha guẹ khọnmiotọ vbe uhunmwu ẹnrẹn, emwa rẹn kevbe otọe ẹre. Ruẹe vbene u vbe ru Saihọn ne ọba Amọri vbe Hesbọn.”

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Diuteronomi 20:4

E Nọyaẹnmwa Osanobua uwa lele uwa khian, ọ gha rhie akhọnmiotọ ne uwa.’

Diuteronomi 3:21

Iyeke ọnii, I keghi do tama Jọsua wẹẹ, ‘U miẹn emwi hia ne Nọyaẹnmwa ru avbe ọba eva ni re, e Saihọn kevbe Ọg, erriọ ọ ra vbe ru iran hia ni dekẹe ne uwa gha mu okuo ye ẹvbo ẹre.

Diuteronomi 3:23

“Ẹghẹ nii, I keghi kakabọ na erhunmwu wẹẹ,

Jọsua 10:42

Uhukpa ne Jọsua mu okuo gie avbe ọba na, ọ keghi wa khọn iran khọn ẹvbo iran mu tan, rhunmwuda e Nọyaẹnmwa ne ọ re Osanobua ọghe Izrẹl ọ re ọ ghaa gbinna ne Izrẹl.

Jọsua 23:10

Ọmwaikọmwa vbe uwu uwa gha sẹtin zẹ arhunmwu arriaisẹn khu rhunmwuda, e Nọyaẹnmwa Osanobua uwa ẹre ọ gbinna ne uwa zẹ vbene ọ yan rẹn.