Diuteronomi 3:20 - Edo Bible (E Baibol Ẹdo) Version 1996

²⁰ Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Diuteronomi 3:20 ပူးပေါင်းရင်းမြစ်များ

Nọmbas 32:18

Ma i ra werriegbe gha die owa ima, a te do miẹn wẹ ivbi Izrẹl hia gele yan avbe otọe nii ne a ghae ne iran.

Nọmbas 32:22

Ne uwa mu otọe nii ya khian ọwua, iyeke ọnii, wa sẹtin werriegbe gha dee rhunmwuda wa ru e nọ kan e Nọyaẹnmwa ke emwa Izrẹl ne ihua uwa nẹ. Ẹghẹ nii Nọyaẹnmwa gha ya obọ yọ wẹ otọe na vbe odẹ ahọ ọghe Jọdan, ọwua nọ.

Diuteronomi 12:9

Rhunmwuda wa ma he la otọ ne Nọyaẹnmwa Osanobua ra mu ne uwa, ehe ne uwa gha na gha rrọọ vbe ọfumwegbe.

Diuteronomi 3:21

Iyeke ọnii, I keghi do tama Jọsua wẹẹ, ‘U miẹn emwi hia ne Nọyaẹnmwa ru avbe ọba eva ni re, e Saihọn kevbe Ọg, erriọ ọ ra vbe ru iran hia ni dekẹe ne uwa gha mu okuo ye ẹvbo ẹre.

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 22:2

Ọ keghi tama iran wẹẹ, “Wa ru emwi ne Mosis ne ọguọmwadia e Nọyaẹnmwa tama uwa ne uwa ru nẹ, wa keghi vbe ya uhi mwẹ hia ru emwi.

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.