Diuteronomi 3:17 - Edo Bible (E Baibol Ẹdo) Version 1996

¹⁷ Vbe odẹ orriẹ, otọe iran keghi ya sẹ ẹzẹ Jọdan, ke odighi e Galili vbe odẹ okuọ ya sẹ Okun Nọwu vbe odẹ ekẹn, kevbe ya sẹ ẹzi Oke Pisga vbe odẹ ahọ.

Diuteronomi 3:17 ပူးပေါင်းရင်းမြစ်များ

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Gẹnẹsis 14:3

Avbe ọba isisẹn na keghi ku obọ gbe, iran tẹn iyokuo iran kugbe vbe iya ọghe Sidim ne a ghi tie ẹre Okun Nọwu na.

II Ọba 14:25

Ọ keghi dọlegbe khọn munọ avbe ẹvbo hia ni ka re ọghe Izrẹl de ẹdẹ kevbe Hamat Pas vbe odẹ okuọ ya sẹ Okun Nọwu vbe odẹ ekẹn, vbenian ọre Nọyaẹnmwa gie ọguọmwadia ẹre ne akhasẹ, rẹn ighẹ Jona ne ovbi Amatai ne ọ ke Gat rre ne ọ ta ẹe ye otọ.

Ezikiẹl 47:8

Rẹn keghi tama mwẹ wẹẹ, “Ẹzẹ na, te ọ wa lẹẹ la odẹ ahọ la otọe na hia gha rrie Iya e Jọdan gha rrie Okun Nọwu, ọ keghi ya ye amẹ ne ọ gie a wọn rhie ihe amẹ umwẹ ne ọ te rre ẹzẹ nii.

Nọmbas 23:14

Ọ keghi rhie ẹre gha rrie ako oha ọghe Zofin vbe uhunmwu oke Pisga. Ọ keghi vbe gba aka ihinrọn vbe evba, ọ na ya ẹkhuia ẹmila ọkpa ke ogho ọkpa zọ ese vbe uhunmwu ọkpọkpa vbọ.

Iyẹn ne ọ Maan Ọghe Luk 5:1

Ẹghẹ ọkpa vbe Jesu mudia vbe ọkpẹn odighi e Gẹnẹsarẹt, emwa hia kegha sua egbe yo sua egbe rre ne iran miẹn ehe na sikẹ ọre họn ẹmwẹ Osanobua.

Diuteronomi 4:49

Otọe ne ọ ghi vbe deba ena kegha re ikinkin otọe ni rre odẹ ahọ e Jọdan rhinrin ya sẹ Okun Nọwu ya sẹ ototọ Oke Pisga.

Jọsua 12:3

Ke odẹ ahọ Iya Jọdan kevbe odighi e Galili ghe odẹ Bẹt Gisi-mot, (odẹ ahọ ọghe Okun Nọwu) ghe odẹ ekẹn ya sẹ ẹzi Oke Pisga.

Jọsua 13:27

Ehe ne ọ vbe rrọ vbe iya e Jọdan keghi re Betharam, Betnimra, Sukọt kevbe e Safọn, ehe ne ọ ghi ke ẹe vbe otọe arriọba Saihọn ne ọba Hesbọn. Ehe ne uwu lae keghi re Ẹzẹ Jọdan wa gha rrie odighi vbe odẹ okuọ, otọe na ke ye vbe laghe odẹ ahọ.

Jọsua 15:2

Uwu ne ọ rre odẹ ekẹn na, odẹ ehe ne Okun Nọwu sẹe vbe odẹ ekẹn ọ re ọ ke kpao.

Jọsua 15:5

Vbe odẹ ahọ vbọ, ọ keghi la Okun Nọwu ghe odukhunmwu ya sẹ ehe ne Jọdan na lẹ la rọ. Evba nii i ọ re ehe ne ọ lae vbe odẹ okuọ na suẹn.

Jọsua 18:19

Ọ keghi ya la odẹ okuọ ọghe iya Bẹt Hogla, ọ na ya khui uhunmwu ye ovbi ẹzẹ ne ọ lẹ la Okun Nọwu vbe odẹ okuọ vbe ehe ne Jọdan la lẹ larọ vbe obọ ekẹn. Ọnii ọ ghi re ehe ne uwu lae vbe odẹ ekẹn.

Jọsua 19:35

Avbe ẹvbo ne a gbe ekẹn ga kegha re Zidim, Ze, Hamat, Rakat, Kineret,

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.