Diuteronomi 3:14 - Edo Bible (E Baibol Ẹdo) Version 1996

¹⁴ E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

Diuteronomi 3:14 ပူးပေါင်းရင်းမြစ်များ

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 13:37

Absalọm na lẹ bu ọba Gẹsiọ ighẹ Talmai ne ovbi e Amihud gha khian. E Devid keghi ya ẹghẹ ne ọ taẹn khiẹ Amnọn ne ovbi ẹre. Absalọm keghi gbe ukpo eha vbe Gẹsiọ.

II Samuẹl 14:23

Ẹre irẹn na ghi kpaegbe, ọ na gha rrie Gẹsiọ, ọ na ya rhie Absalọm dọlegbe gha die Jerusalẹm.

II Samuẹl 20:26

Ira ne ovbi ẹvbo ne a tie ẹre Jaẹl kevbe gha re ọkpa vbe avbe ohẹn e Devid.

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

Psalm 49:11

Idin iran ọrọre owa etẹbitẹ iran, evba iran ra gha ye ẹdẹdẹmwẹdẹ, egbe ne a rhe ya miẹn wẹ, iran ka gha mwẹ otọe obọ iran yi.

Jerimaia 40:8

Ẹre Ismaẹl ne ovbi e Natanaia, e Johanan ne ovbi e Karea, e Seraia ne ovbi e Tanhumet, avbe ivbi Efaia ni ke Nẹtofa rre, kevbe Jezenia ne ọ ke Maaka rre na bu e Gedalaia gha rrrie Mizpa.

Nọmbas 32:41

Jea ne ovbi ẹwae Manasẹ na ya khọn avbe igue eso, ọ na gha tie iran Igue Jea.

Diuteronomi 3:13

I keghi vbe mu ne ọ ghi ke ẹe vbe Giliad ne obọ ọkpa vbe ẹwae Manasẹ, I kevbe mu iwewe Agọb, onii nọ wẹ Basian ehe ne Ọg na te khaemwisẹ ba ẹre.” (Otọ avbe Refeim ọ re a wa gha tie Basian hia.

Diuteronomi 3:4

Ẹvbo ne ima munọ ẹn hia kegha re iyeha, iwewe Agọb, ehe ne Ọg ne ọba Basian khaemwisẹ yan.

Jọsua 12:5

Otọ arriọba ẹre keghi sẹ Oke Hẹmọn, Saleka kevbe Basan hia, rhinrin ya sẹ Gẹsiọ kevbe uwu avbe Maka deba obọkpa vbe Giliad rhinrin ya sẹ otọ Saihọn ne ọba Hesbọn.

Jọsua 13:13

Sokpan, ivbi Izrẹl ma khulo emwa Gẹsiọ kevbe Makati ladian. Te iran na ye rre Izrẹl.