Diuteronomi 3:13 - Edo Bible (E Baibol Ẹdo) Version 1996

¹³ I keghi vbe mu ne ọ ghi ke ẹe vbe Giliad ne obọ ọkpa vbe ẹwae Manasẹ, I kevbe mu iwewe Agọb, onii nọ wẹ Basian ehe ne Ọg na te khaemwisẹ ba ẹre.” (Otọ avbe Refeim ọ re a wa gha tie Basian hia.

Diuteronomi 3:13 ပူးပေါင်းရင်းမြစ်များ

Gẹnẹsis 14:5

Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam.

II Ọba 10:33

odẹ ahọ ọghe Jọdan rhinrin ya sẹ ẹvbo ne a tie ẹre Aroẹ ne ọ rre odẹ ekẹn vbe ọkpẹn Ẹzẹ Anọn, ne usun ọ re otọe Giliad ye kevbe Basian, ehe ne avbe ẹwae Gad, Riubẹn kevbe Manasẹ ne odẹ ahọ ye.

Diuteronomi 29:7

Ma ghi sẹ emwa na, Saihọn ne ọ rre Hesbọn kevbe ọba Ọg ọghe Basian kegha dee do gu ima gbinna. Sokpan ma keghi khọn miẹn iran otọ.

Diuteronomi 29:8

Ma keghi mu otọe iran, ma na ghae ẹre ne ẹwae Riubẹn kevbe Gad kevbe obọkpa vbe ẹwae Manasẹ.

Diuteronomi 3:12

“Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

Diuteronomi 3:4

Ẹvbo ne ima munọ ẹn hia kegha re iyeha, iwewe Agọb, ehe ne Ọg ne ọba Basian khaemwisẹ yan.