Diuteronomi 3:12 - Edo Bible (E Baibol Ẹdo) Version 1996

¹² “Ma ghi ya ẹvbo nii khian ọghomwa nẹ, I keghi mu avbe otọ ne ọ ke Aroa ne ọ rre ọkpẹn Ẹzẹ Anọn kpao do sẹ ẹvbo Giliad ba ẹvbo ni rrọ ne ẹwae ọghe Riubẹn kevbe Gad.

Diuteronomi 3:12 ပူးပေါင်းရင်းမြစ်များ

II Ọba 10:33

odẹ ahọ ọghe Jọdan rhinrin ya sẹ ẹvbo ne a tie ẹre Aroẹ ne ọ rre odẹ ekẹn vbe ọkpẹn Ẹzẹ Anọn, ne usun ọ re otọe Giliad ye kevbe Basian, ehe ne avbe ẹwae Gad, Riubẹn kevbe Manasẹ ne odẹ ahọ ye.

Nọmbas 32:40

Ẹre Mosis na mu Giliad ne ẹwae Makia ne iran gha rre evba.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 29:7

Ma ghi sẹ emwa na, Saihọn ne ọ rre Hesbọn kevbe ọba Ọg ọghe Basian kegha dee do gu ima gbinna. Sokpan ma keghi khọn miẹn iran otọ.

Diuteronomi 29:8

Ma keghi mu otọe iran, ma na ghae ẹre ne ẹwae Riubẹn kevbe Gad kevbe obọkpa vbe ẹwae Manasẹ.

Diuteronomi 3:13

I keghi vbe mu ne ọ ghi ke ẹe vbe Giliad ne obọ ọkpa vbe ẹwae Manasẹ, I kevbe mu iwewe Agọb, onii nọ wẹ Basian ehe ne Ọg na te khaemwisẹ ba ẹre.” (Otọ avbe Refeim ọ re a wa gha tie Basian hia.

Diuteronomi 4:48

Otọe ne iran ya khian ọghe iran na keghi ke ẹvbo Aroẹ kpao vbe okhiẹ Ẹzẹ Anọn wa gha khian ya sẹ oke Siriọn, onii nọ wẹ ekẹn Hẹmọn.