Diuteronomi 3:11 - Edo Bible (E Baibol Ẹdo) Version 1996

¹¹ (Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)

Diuteronomi 3:11 ပူးပေါင်းရင်းမြစ်များ

Gẹnẹsis 14:5

Vbe ukpo nogiwenẹ, Kiedolaoma kevbe iran ne ọ guẹe ku obọ gbe bu iran gha dee, iran keghi khọn miẹn Refeim otọ vbe Astarrọt-kanem, Zuzim ne Ham, emwi ne ọ rre otọ nọ rriẹe ọghe kirriatam.

Gẹnẹsis 6:15

Gie utanmwẹ ọnrẹn gha re akhuẹn obọ ekigbe siyeha yan uri eva (450), uvbẹmwẹ ọnrẹn ghi gha re akhuẹn obọ isẹn yan ekigbesiyenẹ (75), uyomwẹ ọnrẹn ghi gha re akhuẹn isẹn yan iyeva (45).

II Samuẹl 11:1

Amẹ ghi da suẹn gha rhọ vbe ukpo ne ọ lele ẹe, vbe ẹghẹ ne avbe ọba ya yo okuo, e Devid keghi gie Joab kevbe emwa rẹn ni rre asẹ kevbe ivbiyokuo Izrẹl ladian, iran keghi hẹ rhu ivbi Amọn, iran na dunmwu ẹvbo ne a tie ẹre Raba muotọ. Sokpan, e Devid kegha rre Jerusalẹm.

II Samuẹl 12:26

Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.

Jerimaia 49:2

“Sokpan, ẹghẹ dee ne I gha na gie iran ni rre Raba ne igiogbẹ họn ẹmwẹ okuo, a ghi ya ehia khian itowa, a ghi vbe giẹn avbe igue ẹre hia sotọ. Izrẹl ghi mu otọ ẹre werriegbe vbe obọ iran ni te miẹn ẹre re.

Ezikiẹl 21:20

Ọkpa ghi gie odẹ ne ọ rrie Raba ne ẹvbo Amọn ma ọba, nọkpa ghi ma ẹre ne ọ rrie Jerusalẹm ne ẹvbo ne a gbe odin ga vbe Juda.

Ezikiẹl 25:5

I gha ya ore Raba khian ne a ya rri ekẹtẹkẹtẹ, otọe Amọn hia gha vbe khian ehe ne a na koko avbe ohuan, ne uwa miẹn ehe na rẹn wẹ mẹ ọrọre Nọyaẹnmwa.

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Diuteronomi 2:11

A keghi vbe tie iran Refeim zẹ vbe ne avbe tie avbe Anakim, sokpan ivbi e Moab ke gha tie iran Emim.

Diuteronomi 2:20

(Otọe na kevbe gha re ne a vbe tie ẹre Refeim, ni re emwa ni te ka yin ẹnrẹn. Emwa Amọri kegha tie iran Zamzumim.

Jọsua 12:4

Iran keghi vbe khọn Ọg miẹn ẹre otọ, rẹn ne ọba Basan ne ọ gha re ne okiekie vbe avbe Refeim, Astarrọt kevbe Ẹdrẹi ọ re ọ gha ye khaemwisẹ.

Jọsua 13:12

Kevbe otọe Ọg ne ọ gha khaemwisẹ vbe Astarrọt kevbe Ẹdrẹi (Ọg ọkpa ọrọre ne a ghi fi yi vbe Refeim). E Mosis ka khọn iran na nẹ, ọ na vbe khulo iran ladian.

Arhie Maan 21:17

Odibosa nii keghi mwa ekẹn ọnrẹn, ọ ke gha re ibata enẹirrọvbugie ọ ya yan uri (216) vbe uyomwẹ, zẹ vbene akhuẹn ọkpọkpa khare vbe emwi ne ọ ya mwa emwi.

I Samuẹl 17:4

Okpia ọkpa ne a tie ẹre Golaiat, ne ovbi ẹvbo ne a tie ẹre Gat, keghi ke uwu ẹbu avbe Filistin ladian, ọ na do si ivbi Izrẹl evẹn. Utanmwẹ ọnrẹn gberra ibata ihinrin,