Diuteronomi 3:10 - Edo Bible (E Baibol Ẹdo) Version 1996

¹⁰ Ma keghi wa mu otọ Ọg ne ọba Basian, ẹvbo ni rre otọ nọ rriẹe, iwewe Giliad kevbe Basian hia, ya sẹ ehe ne ọ rrei gban an vbe odẹ ahọ ya sẹ Saleka kevbe Ẹdrẹi.”

Diuteronomi 3:10 ပူးပေါင်းရင်းမြစ်များ

I Ọba 4:13

E Bengebe: ẹvbo Ramọt ne Giliad kevbe a vbe igue ni rre Giliad ne ọre ọghe ewae Jeẹ ne ovbi e Manasẹ kevbe isoko Agọb vbe Basian, ọ keghi wa gha re okpẹvbo iyeha ne a gbe ekẹn gaa ya khọ egbe, a na vbe ye oze ru ogba ye onurho ẹre.

I Krọnikol 5:11

Ewae Gad, odẹ okuọ ọghe Riubẹn ọ re iran gha ye vbe otọe Basian, iran keghi ye niẹn obọ ya sẹ Salka vbe odẹ ahọ.

Nọmbas 21:33

Ivbi Izrẹl keghi werriegbe, iran keghi la odẹ Basian, Ọg ne ọba Basian keghi viọ ivbiyokuo ẹre gha dee do gu iran ginna vbe Ẹdrẹi.

Diuteronomi 4:43

A keghi zẹ ẹvbo ne a tie ẹre Bẹzẹ ne ọ wa rre uwu oha vbe ẹvbo uhunmwu oke ne ẹwae Riubẹn, a kevbe zẹ Ramọt ne ọ rre otọ Giliad ne ẹwae Gad, kevbe Golan vbe otọ Basian ne ẹwae Manasẹ.

Diuteronomi 4:49

Otọe ne ọ ghi vbe deba ena kegha re ikinkin otọe ni rre odẹ ahọ e Jọdan rhinrin ya sẹ Okun Nọwu ya sẹ ototọ Oke Pisga.

Jọsua 13:16

Otọe iran keghi ke Aroẹ kpao (vbe ehọ Iya Anọn) kevbe ẹvbo ne ọ rre adesẹneva iya nii, kevbe avbe otọ ni rriẹe hia ni lẹga Mẹdeba.

Jọsua 13:30

Otọe iran keghi ke Mahanem kpao kevbe otọe arriọba Ọg hia, ọba Basian deba okpẹvbo iyeha ne ọ re ọghe Jea vbe Basian.

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.