Diuteronomi 3:1 - Edo Bible (E Baibol Ẹdo) Version 1996

¹ “Iyeke ọnii, ma keghi si okhian ghe odẹ okuọ ẹvbo Basian, ẹre Ọg ne ọba na viọ emwa rẹn gha dee do gu ima gbinna vbe ọkpẹn Ẹdrẹi.

Diuteronomi 3:1 ပူးပေါင်းရင်းမြစ်များ

I Ọba 4:19

E Geba ne ovbi Uri: otọe Giliad ne ọba e Saihọn ọghe Amọn, kevbe ọba Ọg ọghe Basian te ka gha khaemwisẹ yan. Deba iran ne iweva na ni khaemwisẹ ọkpa kevbe gha rre otọe Juda.

Nehimaia 9:22

“U rhie ẹtin ne iran yan avbe otọ kevbe arriọba, avbe otọ ne iran gba mwa uwu iran khọn mu otọe e Hesbọn, ehe ne Saihọn na khaemwisẹ kevbe otọ Basian. Ehe ne Ọg na re ọba.

Psalm 136:20

Kevbe Ọg ne ọba ivbi e Basian; etẹbitẹ ọ re ahoẹmwọmwa rẹn khin.

Diuteronomi 1:4

Ọna ke gha re iyeke vbe Nọyaẹnmwa ghi khọn Sihọn ne ọba Amọri ne ọ rriọba vbe Hesbọn nẹ, kevbe Ọg ne ọba Basian ne ọ rriọba vbe Astarrọt, kevbe Ẹdrẹi.

Diuteronomi 2:32

E Sihọn keghi viọ emwa rẹn ladian bu ima gha dee ne iran do gu ima gbinna vbe ọkpẹn Jahaz.

Diuteronomi 29:7

Ma ghi sẹ emwa na, Saihọn ne ọ rre Hesbọn kevbe ọba Ọg ọghe Basian kegha dee do gu ima gbinna. Sokpan ma keghi khọn miẹn iran otọ.

Diuteronomi 3:2

Sokpan, e Nọyaẹnmwa keghi tama mwẹ wẹẹ, ‘Ghe gie ohan rẹn mu ẹẹn. I gha rhie irẹn kevbe ẹvbo ẹre hia kevbe emwa rẹn yan ruẹn obọ, u ghi vbe ru ẹe vbene u ru Sihọn ne ovbi Amọri ne ọ rriọba vbe Hesbọn.’

Diuteronomi 31:4

E Nọyaẹnmwa gha fuẹn iran na hia a, zẹ vbene ọ khọnmiotọ ọghe Saihọn kevbe Ọg avbe ọba ivbi Amọri, ọ kevbe fuẹn iran ẹvbo rua.

Diuteronomi 4:47

Iran keghi yin otọe ẹre kevbe ọghe Ọg ne ọba Basian. Iran na ọrọre avbe ọba Amọri ni rre odẹ ahọ e Jọdan.

Jọsua 12:1

Ivbi Izrẹl keghi khọn, iran na vbe yin otọ ne ọ rre odẹ ahọ ọghe Jọdan kevbe Iya ọghe Anọn kpao ya sẹ Iya ọghe Jọdan kevbe Oke Hẹmọn. Vbe odẹ okuọ avbe ọna ne ivbi Izrẹl khọn miẹn ẹre otọ ena khin.

Jọsua 12:4

Iran keghi vbe khọn Ọg miẹn ẹre otọ, rẹn ne ọba Basan ne ọ gha re ne okiekie vbe avbe Refeim, Astarrọt kevbe Ẹdrẹi ọ re ọ gha ye khaemwisẹ.

Jọsua 13:30

Otọe iran keghi ke Mahanem kpao kevbe otọe arriọba Ọg hia, ọba Basian deba okpẹvbo iyeha ne ọ re ọghe Jea vbe Basian.

Jọsua 9:10

Kevbe emwi ne ọ ru avbe ọba Amọri eveva ni rre odẹ ahọ e Jọdan re: Saihọn ne ọba Hesbọn kevbe Ọg ne ọba Basian ne ọ rre Astarrọt.