Diuteronomi 28:9 - Edo Bible (E Baibol Ẹdo) Version 1996

⁹ “A deghẹ wa họn ẹmwẹ e Nọyaẹnmwa Osanobua rua, wa na ru emwi ne ọ tama uwa hia, ọ ghi ya uwa khian emwa obọ irẹn zẹ vbene ọ khare.

Diuteronomi 28:9 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Psalm 87:5

A gha tae vbe ekpa Zaiọn wẹ, evba nii ọrọre ọghe uhunmwu ẹvbo hia kevbe wẹ, Oghodua gha ru ẹe ne ọ wegbe.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Jerimaia 11:5

“Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

Diuteronomi 7:8

Sokpan e Nọyaẹnmwa ho ẹmwẹ uwa, ọ na wẹ rẹn gha vbe mu eyan ne ọ yan ma avbe erha uwa odede sẹ. Ọna ọ si ẹe ne ọ na ya ẹtin ẹnrẹn nọkhua miẹn uwa fan, ọ na fannọ uwa kua hin eviẹn ne uwa khin ne ọba Igipt rre.

II Tẹsalonaika 3:3

Sokpan ọmwa ne ọ gia mu ẹtin yan ọre Nọyaẹnmwa khin, ọ gha ya uwa wo vbe egbe, ọ ghi vbe miẹn uwa fan vbe obọ Ọmwa Dan nii.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.