Diuteronomi 27:22 - Edo Bible (E Baibol Ẹdo) Version 1996

²² “ ‘Ihẹn Osanobua rre uhunmwu ọmwa ne ọ gu ovbiye ẹe ra ovbi erha ẹe ru emwi ọdọ vbe amwẹ.’ “Emwa ni hia ghi kha wẹẹ, ‘Isẹ!’

Diuteronomi 27:22 ပူးပေါင်းရင်းမြစ်များ

II Samuẹl 13:1

Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

Ezikiẹl 22:11

Eso vbe miẹn amwẹ ẹrrẹe, eso keghi vbe gu ivbi amwẹ iran nikhuo kevbe etẹn iran nikhuo, ne ikhuo ọvbehe biẹlẹ ne erha iran ru emwi.

Levitikọs 18:9

Ghẹ gu ivbiye uẹ nokhuo ra ovbi erhaa nokhuo ru emwi ọdọ vbe amwẹ, ọ re owa ọkpa ọre a na koko uwa ra ẹ i re ọre.

Levitikọs 20:17

A deghẹ okpia rhie ovbiye ẹe ne okhuo ra ovbi erha ẹe ne okhuo rọnmwẹ, a ghi fa iran an ne agbọn vbe ẹrinmwi miẹn, a ghi khulo iran hin ẹbu emwa rre. Ọ gu ọtiọnrẹn nokhuo ru emwi, te ọ kere ne ọ rri oya ne ọ khẹ ke ẹe.