Diuteronomi 27:13 - Edo Bible (E Baibol Ẹdo) Version 1996

¹³ Avbe ẹwae na ghi vbe mudia ye Oke Ebal vbe a a gha tie ihẹn: Riubẹn, Gad, Asia, Zebulọn, Dan kevbe Naftali.

Diuteronomi 27:13 ပူးပေါင်းရင်းမြစ်များ

Gẹnẹsis 29:32

E Lia keghi hanmwa, ọ na biẹ ọmọ okpia ọ keghi kha wẹẹ, “E Nọyaẹnmwa rẹn ọlọghọmwa ne I mwẹ, te ọdọ mwẹ ghẹ ghi ho ẹmwẹ mwẹ nian”; ọ keghi he ẹre Riubẹn.

Gẹnẹsis 30:20

Ọ keghi kha wẹẹ, “Osanobua ru mwẹ ẹse ne ọ gbe otiti, eban nian ọdọ mwẹ gha rhan obọ miẹn mwẹ rhunmwuda emọ ehan ọre I he biẹlẹ ne ọdọ mwẹ”; ọ keghi he ẹre Zebulọn. Vbe okiekie ọ keghi biẹ ọmọ okhuo ọkpa ne ọ he ẹre Dina.

Diuteronomi 11:29

E Nọyaẹnmwa ghẹ ghi viọ uwa sẹ otọ ne uwa ra ya yin nẹ, u ghi ke uhunmwu Oke Gerizim na erhunmwu afiangbe nii, u ghi vbe ke uhunmwu Oke Ebal tie ihẹn na.

Diuteronomi 27:12

“Wa ghẹ ghi fian Jọdan rra nẹ, a gha fiangbe emwa nii, avbe ẹwae na ghi mudia ye Oke Gerizim: Simiọn, Livai, Juda, Isaaka, Josẹf kevbe Bẹnjamin.

Diuteronomi 27:14

Avbe Livai ghi ya urhu ne ọ la guan avbe ẹmwẹ na:

Diuteronomi 27:4

ighẹ wa sẹ obọ nọkpa Jọdan nẹ, wa ghi viọ avbe okuta na ye Oke Ebal zẹ vbene I ru igiodẹ ma uwa ẹrẹna, wa ghi ya ekẹn ne ọkhuẹrhẹ rhu ẹe.

Jọsua 8:33

Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.