Diuteronomi 27:10 - Edo Bible (E Baibol Ẹdo) Version 1996

¹⁰ rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Diuteronomi 27:10 ပူးပေါင်းရင်းမြစ်များ

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.

Maika 4:5

Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

Diuteronomi 26:17

Vbe ẹdẹnẹrẹ na, wa miẹn e Nọyaẹnmwa kue nẹ zẹ vbe Osanobua rua, wa yan rẹn ighẹ wa gha họn ẹmwẹ kevbe ne uwa gha rhie uhi ẹre mwẹ, kevbe ne uwa vbe gha ru vbene ọ khare hia.

Diuteronomi 26:18

Ẹdẹ ne ẹrẹna nian, e Nọyaẹnmwa vbe rhan obọ miẹn uwa zẹ vbe emwa irẹn, zẹ vbene ọ yan ma uwa, ọ na tama uwa ne uwa gha ya uhi irẹn hia ru emwi.

Diuteronomi 27:11

Ẹre Mosis na tama ivbi Izrẹl wẹẹ,

Diuteronomi 27:9

Ẹre Mosis ke ẹe kevbe avbe ohẹn e Livai na tama emwa Izrẹl hia wẹẹ, “Wa rhie ehọ ye otọ ne uwa danmwẹ ehọ mwẹ, wa ne ivbi Izrẹl. Ẹdẹ n ẹrẹna, wa khian emwa ọghe Nọyaẹnmwa Osanobua uwa nẹ,