Diuteronomi 26:6 - Edo Bible (E Baibol Ẹdo) Version 1996

⁶ Ivbi Igipt kegha khọ mu ima, iran keghi ya ẹtin gha ya ima winna zẹ vbe eviẹn.

Diuteronomi 26:6 ပူးပေါင်းရင်းမြစ်များ

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Ẹksọdọs 1:16

“Wa gha mu ikhuo Hibru emwi ubiẹmwẹ, iran gha biẹ okpia wa ghi gbe ẹe rua, sokpan ọ gha re okhuo, wa ghi sọrae.”

Ẹksọdọs 1:22

Ẹghẹ nii ọre ọba ghi na yi iyi ne emwa irẹn hia wẹẹ, “Emọ ikpia ne emwa Hibru a rhirhi biẹ, wa gha filo iran ku ẹzẹ Nail, sokpan wa sẹ avbe emọ ikhuo ni rrọọ rae ye agbọn.”

Ẹksọdọs 1:8

Ọba ọgbọn ne ọ ma zẹdẹ rẹn emwikemwi vbe ekpa Josẹf kegha rre asẹ vbe Igipt.

Ẹksọdọs 5:19

Avbe ekaolotu iwinna ivbi Izrẹl ghi họn ewanniẹn ne a rhie ne iran, wẹẹ, “Te uwa gha mannọ ibiriki nii gba ẹdẹgbegbe, iran keghi rẹn wẹ iran la ẹmwẹ.”

Ẹksọdọs 5:23

Ke ne I ya bu ọba Igipt gha dee do ta uhunmwu ne u gie ima rẹ, te ọ ghi ru iran khọ, u ma ru emwi rhọkpa ne iran!”

Ẹksọdọs 5:9

Wa ya iran na kakabọ winna sayọ, wa gie iran gha winna vbe ẹghẹ hia, ẹghẹ nii, iran ighi miẹn obọ ya gha danmwehọ ẹmwẹ ohoghe!

Nọmbas 20:15

vbene avbe erha mwa odede gha rrie Igipt hẹ, ehe ne ima na vbe gbe ukpo ni bun. Emwa Igipt ke ya obọ dan mu avbe erha mwa odede kevbe ima.

Diuteronomi 26:7

“ ‘Ẹre ima na datie Nọyaẹnmwa Osanobua avbe erha mwa odede ne ọ ye ima obọ. Rẹn keghi họn urhu mwa, ọ miẹn oya ne ima re kevbe ọlọghọmwa usẹ ne ima ye.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.