Diuteronomi 26:2 - Edo Bible (E Baibol Ẹdo) Version 1996

² Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Diuteronomi 26:2 ပူးပေါင်းရင်းမြစ်များ

II Ọba 4:42

Vbe ẹghẹ ọvbehe, orhiọnkpa keghi viọ ududu ebrẹd ugie ne a ye ọka ne a ka gha rhọ vbe ugbo nii le, ke Bal Sialisia gie Elaisia, deba ọka ne a da fian. Elaisia na wẹ ne ọguọmwadia ẹre viọ ne otu akhasẹ gha re.

II Krọnikol 31:5

Ọ ghi wa ta ẹmwẹ na ne ọwarọkpa, ivbi Izrẹl kegha viọ emwi ihaoko iran rre emwiokọ ni mose sẹẹ, ayọn, ẹvbi oliv, owọn, kevbe avbe emwi ọvbehe ne a rhọ vbe ugbo, iran kevbe gha viọ a ghae ye igbe ọghe emwi ne iran mwẹ hia rre.

II Krọnikol 6:6

Sokpan banbanna nian, I zẹ e Jerusalẹm zẹ vbe ehe ne a gha na gha ga mwẹ kevbe uwẹ ne Devid ne u gha khaemwisẹ yan emwa mwẹ!’ ”

Nehimaia 12:44

Vbe ẹghẹ nii, a keghi do viọ emwa yọ ne iran gha gbe aro ghe avbe aza ne a viọ emwi ne emwa viọ rrie Ọgua Osa yi, usun avbe aghaeyihigbe kevbe ọka ne a ka fian kevbe ọmọ erhan ne ọ ka vbọ ukpo ukpo. Iwinna iran na vbe nọ ne iran gha miẹn avbe ẹvbo ni sikẹ ugbo nii emwi ne iran viọ gie avbe ohẹn kevbe avbe Livai zẹ vbene Uhi khare. Emwa e Juda keghi gha ta ẹmwẹ avbe ohẹn kevbe Livai ne ọ maa.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 34:26

“Wa ghi gha viọ eni maa sẹ vbe avbe emwiokọ ne uwa ka gha rhọ vbe ugbo rua rriowa Nọyaẹnmwa. “Wa ghẹ le ovbiohuan vbe uwu ewẹn iye ẹe.”

Jerimaia 2:3

Izrẹl mẹ okpa ọ re ọ te yan ruẹn emwi nọhuanrẹn ọ re u te gha khin mwẹ re I si oya kevbe usẹ ye iran ni kuan ruẹn egbe. Mẹ ne Nọyaẹnmwa taa ẹe nẹ.”

Ezikiẹl 20:40

Wa ne ivbi Izrẹl hia gha ya ga mwẹ vbe evba, vbe otọe nii, vbe uhunmwu oke mwẹ nọhuanrẹn, oke nọhuanrẹn ọghe Izrẹl. Ẹko mwẹ gha rhiẹnrhiẹn ghe uwa, I gha vbe rhie aro yọ wẹ wa gha viọ emwi izọese uwa gunmwẹ, emwi izọhẹ uwa ni maa sẹẹ, kevbe emwi imuohan uwa nihuanrẹn.

Ezikiẹl 44:30

Avbe ohẹn ọ re ọ kerre ne gha viọ avbe emwi ne ọ maa sẹ vbe emwi orhọ ne a ka gha rhọ hia kevbe avbe emwi ọvbehe ne a ya yo imuohan gunmwẹ hia fẹẹrẹ. Ẹghẹikẹghẹ ne emwa nii a rhirhi ya le ebrẹd, iran ghi gha mu ne okaro vbọ gie ohẹn zẹ vbe emwi ihaoko, afiangbe mwẹ gha vbe gha rre owa iran.

Ezikiẹl 48:14

Ako ne a ya fi ohan ne Nọyaẹnmwa ọrọre ne ọ maa sẹẹ ehia vbe otọe nii, a ghẹ vbe khiẹn vbọ hiehiere ra ne a yae rọ ra ne a ya ru ẹse ne ọmwa rhọkpa. Te ọ huanrẹn, ọghe Nọyaẹnmwa nọ.

Levitikọs 2:12

Wa ghi ha oko ọka ne uwa ka gha rhọ gie Nọyaẹnmwa ukpukpo, sokpan a ghẹ giẹn ọnrẹn vbe aka.

Levitikọs 2:14

Wa gha viọ emwi iha oko ọghe ọka ne uwa ka gha rhọ gie Nọyaẹnmwa, wa ghi ya emwiokọ ne a tọẹn ha oko ra evbare ne a lọ ẹe.

Ebe ne Pọl gbẹẹn gie emwa Rom 11:16

A deghẹ a rhie ekan unu eka ne okaro ne Osanobua, rẹn ọ ghi wa yan ududu eka ni hia, erriọ, a deghẹ a vbe ye inian ni rre erhan fiohan ne Osanobua, rẹn ọre ọ wa vbe yan abọ ẹre ba ẹre.

Ebe ne Pọl gbẹẹn gie emwa Rom 16:5

Wa vbe guotuẹ esọsi ne ọ do gha miẹn egbe vbe owa iran. Wa we Epaonetọs ne ọse mwẹ ne ọ ghan do, rẹn ọre ọmwa ne ọ ka gha ye Kristi yi vbe otọ Esia hia.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

I Kọrinti 15:23

Sokpan, dọmwadẹ ọghọe vbe ehe ne ọ na sẹ ọre egbe, Kristi, ne ọ re ne okaro vbe uwu ehia, vbe iyeke ọnii, iran ni re ọghe Kristi vbe ẹghẹ ne ọ gha ya rre.

I Kọrinti 16:2

Vbe ikpedẹ ne okaro ọghe uzọla hia, dọmwadẹ ọghọe ghi fian igho rhie ye otọ zẹ vbene igho ne ọ khuaẹn vbe sẹ, ne a ya ẹe gbakhua hin, a i rẹn vbe I gha rre, ne a ghẹ ghi vbe gha gbẹn okhuo igho ne a koko.

Diuteronomi 16:10

wa ghi suẹn gha ru emwiukpo Akọrhọre vbene uwa gha na viọ izẹọhẹ akekhọerre rre ya ye ọghọ ne Nọyaẹnmwa Osanobua rua zẹ vbene u vbe miẹn afiangbe rhie sẹ vbe obọ ẹre.

Diuteronomi 18:4

Avbe ohẹn ọ re ọ yan oghae ne okaro ọghe ọka, ayọn, ofigbọn ọliv kevbe eto ohuan.

Diuteronomi 26:1

“Wa ghẹ ghi yin otọe nii ne Nọyaẹnmwa ne Osanobua rua ra mu ne uwa nẹ ighẹ ẹkun vbe sẹ uwa otọ nẹ.

Diuteronomi 26:3

U ghi bu ohẹn ne ọ rrọọ ẹghẹ nii gha khian, u ghi tama rẹn wẹẹ, ‘Te imẹ ghi do miẹn kue ma Nọyaẹnmwa Osanobua mwẹ nian wẹ I sẹ otọe ni ne ọ ve avbe erha mwa odede ẹre wẹ rẹn gha mu ne ima nẹ.’

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

Jọsua 18:1

Iran ghi khọn otọe ni nẹ, ivbi Izrẹl hia ke do si koko vbe Siailo, iran na mu Owa Ukpọn e Nọyaẹnmwa ye evba.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.