Diuteronomi 26:17 - Edo Bible (E Baibol Ẹdo) Version 1996

¹⁷ Vbe ẹdẹnẹrẹ na, wa miẹn e Nọyaẹnmwa kue nẹ zẹ vbe Osanobua rua, wa yan rẹn ighẹ wa gha họn ẹmwẹ kevbe ne uwa gha rhie uhi ẹre mwẹ, kevbe ne uwa vbe gha ru vbene ọ khare hia.

Diuteronomi 26:17 ပူးပေါင်းရင်းမြစ်များ

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

II Kọrinti 8:5

Ọ keghi gberra vbene ima te rhie aro yi! Okaro, iran rhie egbe iran ne Nọyaẹnmwa, vbe iyeke ọnii, vbe ekpa iho Osanobua, iran keghi vbe do rhie egbe iran ne ima ba ẹre.

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

Iwinna 27:23

Rhunmwuda vbe ne asọn, odibo Osanobua ne imẹ re ọghọe kevbe ne imẹ ga keghi bu mwẹ rre, ọ wẹẹ,

Aizaia 44:5

“Ọkpọkpa ọ re emwa ra ya gha kha wẹẹ, ‘ọghe Nọyaẹnmwa ọ re imẹ khin.’ Iran gha do ya egbe ba ivbi Izrẹl. Dọmwadẹ ọghọe gha yi ama e Nọyaẹnmwa ye obọ ẹre, ọ ghi vbe tie egbe ẹre okpa vbe uwu emwa Osanobua.”

Jọsua 22:5

Wa gia miẹn wẹ wa ru zẹ vbe uhi kevbe iyi ne Mosis ne ọguọmwadia e Nọyaẹnmwa viọ ne uwa, wa gha ho ẹmwẹ e Nọyaẹnmwa Osanobua rua, wa gha ru iho ẹre, wa gha ya uhi ẹre ru emwi, wa giee gba ẹko uwa, wa ye ekhọe uwa hia kevbe orhiọn uwa hia ga ẹe.”

Diuteronomi 30:16

Adeghẹ wa ya uhi e Nọyaẹnmwa Osanobua uwa ne imẹ rhie ne uwa ẹrẹna gha ru emwi, adeghẹ wa họn ẹmwẹ ne ẹẹn, wa na viọ uhi ẹre hia ya gha ru emwi, ẹghẹ nii agbọn gha ma uwa, wa ghi vbe khian okpẹvbo nọkhua ne emwa ni bun ye. E Nọyaẹnmwa Osanobua uwa ghi fiangbe uwa vbe otọe ne uwa ra ya yin na.

Diuteronomi 15:5

A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 13:18

A deghẹ wa ya uhi ẹre ne I rhie ne uwa ẹrẹna gha ru emwi, wa na vbe gha ru vbene irẹn ho.

Ẹksọdọs 20:19

Iran keghi tama e Mosis wẹẹ, “Wẹ gha gu ima guan ighẹ ma gha họn, sokpan afianma fian mwa wẹ, deghẹ Osanobua gu ima guan, ma gha wulo.”

Zẹkaraia 13:9

Mẹ gha danmwẹ obọkpa vbe uwu eha ni miẹn uhunmwu vbọ ghe. I ghi vbe kpe iran huan, vbene a kpe esiliva huan vbe erhẹn. I gha danmwẹ iran ghe vbene a danmwẹ igoru ghe. Ẹghẹ nii, iran gha na erhunmwu iran. I gha tama wẹ emwa mwẹ ọ re iran khin, iran ghi vbe miẹn kue wẹ mẹ ọrọre Osanobua iran.”

II Krọnikol 34:31

Ọ keghi mudia ke orrẹ ọghe ọba, ọ keghi yan ma e Nọyaẹnmwa wẹ rẹn gha họn ẹmwẹ ne ẹẹn, rẹn rhie uhi kevbe iyi ẹre mwẹ, vbe ekhọe ẹre hia kevbe orhiọn rẹn hia kevbe ne ọ vbe gha ru vbene a tae ye ebe uhi, zẹ vbene a gbẹnnẹ ọẹn ye ebe.

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Gẹnẹsis 28:21

I na vbe dọlegbe sẹ owa erha mwẹ hẹnnẹdẹn, wẹ ọre Ọ khian gha re Osanobua mwẹ.

Ẹksọdọs 19:8

Emwa nii hia keghi ya urhu ọkpa kha wẹẹ, “Ma gha ru emwi hia ne Nọyaẹnmwa tae.” E Mosis na vbe ya khama e Nọyaẹnmwa vbene emwa nii kha hẹ.

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Diuteronomi 29:12

Wa rre emwa na ẹrẹna ne uwa do gu Osanobua uwa ta ile na ne ọ ra gu uwa ta kevbe ne uwa vbe rhan obọ miẹn iwinna ne ọ sẹ uwa egbe vbo.

Jọsua 24:22

E Jọsua keghi tama iran wẹẹ, “Wa tobọ uwa ọrọre osẹe egbe uwa wẹ wa tobọ uwa khare ighẹ e Nọyaẹnmwa ọ re uwa gha ga.”