Diuteronomi 26:14 - Edo Bible (E Baibol Ẹdo) Version 1996

¹⁴ I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.

Diuteronomi 26:14 ပူးပေါင်းရင်းမြစ်များ

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Psalm 18:22

I ru nẹ zẹ vbene uhi ẹre hia khare I ma de iyi ẹre rhọkpa.

Jerimaia 16:7

A i miẹn ne ọ gha gu ọmwa rri evbare ra ne ọ guee da ne ọ ya fu ẹre ẹko rre vbe ọmwa a wu ẹe. Ne ọ ra mwẹ itohan i rrọọ, ọ gha re te erha wu ọmwa ra iye ọ re ọ wu ẹe.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Hozia 9:4

Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.

Levitikọs 21:1

E Nọyaẹnmwa keghi tama e Mosis ne ọ tama avbe ohẹn Errọn wẹẹ, “Ne ohẹn rhọkpa ghẹ ya viọ awua gie egbe ẹre vbe ne ọ gha na gha gu emwa mwẹ obọ vbe irorinmwi vbe ọtiọnrẹn a wu.

Levitikọs 21:11

A ya ẹe fi ohan mẹ nẹ, wẹ ne ọ ghẹ ghi mu awua ye egbe ẹre, ra ne ọ mu awua gha die uwu Owa Ukpọn mwẹ ne ọ huanrẹn vbene ọ gha na la owa ne orinmwi ye, ọ re ọghe erha ẹe nọ ra iye ẹe nọ.

Levitikọs 7:20

Sokpan ọmwa ne awua gue gha rri ọe, a ghẹ ka ẹe ba emwa Osanobua.

Malakai 2:13

Wa ghe emwi ọvbehe ne uwa vbe ru. Wa ye ameve uwa ro gue Ogiukpo Osanobua mu otọ, wa gha viẹ, wa gha kpe orhu eve rhunmwuda ighẹ e Nọyaẹnmwa i ghi rhan obọ miẹn emwi ne uwa ya ha oko gie ẹe.

Diuteronomi 13:5

Sokpan deghẹ akhasẹ ra ne ọ rhan otọ imina bu ruẹ rre wẹ, u sọtẹ ghe Nọyaẹnmwa, ọmwa ne ọ fan uwa vbe irri ke otọe Igipt ne uwa na te re ọviẹn ọmwa rre, wa ghi gbe ẹe rua. Ọmwa dan ọ re egbe ọmwa vberriọ khin, ọ ho ne ọ gban uwa hin vbene Nọyaẹnmwa wẹ ne u gha ru rre, rhunmwuda ọnii, te ọ kere ne a gbe ẹe rua. Odẹ vberriọ, wa gha sẹtin gbe ukhu ọkhọ vberriọ ua.

Diuteronomi 15:5

A deghẹ wa họn ẹmwẹ nii ighẹ wa vbe ru avbe emwi hia ne I yi ẹre iyi ne uwa ẹrẹna,

Diuteronomi 16:11

Gha ghọghọ vbe odaro Nọyaẹnmwa, wẹ kevbe avbe ivbi uẹ, kevbe eguọmwadia ruẹ, kevbe avbe e Livai, avbe ọrriọvbe, emọ ne ẹi mwẹ erha kevbe avbe ẹgbẹ ni rre owa ruẹ. Wa ghi ru ọna vbe ihe ọkpa ni ne a na ga ẹe.

Diuteronomi 26:13

U ghi tama e Nọyaẹnmwa wẹẹ, ‘A ghae ye ihe igbe rhọkpa ma kẹ rre vbe owa mwẹ, I viọ ehia ne avbe Livai nẹ, avbe erriọvbe, avbe emọ ne ẹ i mwẹ erha kevbe avbe ẹgbẹe zẹ vbene u tama mwẹ ne I gha ru. I ma mianmian ra ne I vbe fieghe uhunmwu ye emwi ne u tama mwẹ vbe ekpa aghae yi hi gbe.

Diuteronomi 26:15

Ke ehe ne ọ huanrẹn ọwuẹ ghe otọe, ne u fiangbe Izrẹl ne emwa ruẹn, kevbe ne u vbe fiangbe otọe esiesi ne ọ maa emwiokọ ne u mu ne ima, zẹ vbene u ve avbe erha mwa odede re.’