Diuteronomi 26:12 - Edo Bible (E Baibol Ẹdo) Version 1996

¹² “Vbe ukpo ne ogieha u ghi gha viọ a wa ye ihe igbe, obọ ọkpa vbe a gha emwiorhọ ruẹ ye ihe igbe ne avbe Livai, avbe erriọvbe, emọ ne ẹ i mwẹ erha kevbe ẹgbẹ, ne a miẹn ehe na miẹn wẹ, ẹbu ke ẹbu ne iran a rhirhi a gha ye, iran ghi gha miẹn re ne ẹko vuọn iran. U gha ru vberriọ.

Diuteronomi 26:12 ပူးပေါင်းရင်းမြစ်များ

Gẹnẹsis 47:24

Ọ gha sẹ ẹghẹ emwiorhọ, wa ghi ghae ehia ye ihe isẹn, wa ghi viọ obọ ọkpa gie ọba, ni dekẹe ghi gha re ọghe uwa, ne uwa ya gha kọ, ne uwa gha re, emwa uwa kevbe ivbi uwa.”

Gẹnẹsis 47:26

E Josẹf keghi yi ẹre iyi wẹ a gha wa ẹre ye ihe isẹn, obọkpa vbe emwiokọ ne a rhọre ghi gha re ọghe ọba. Te iran ye lele uhi na do sẹ ẹdẹnẹrẹ na. Otọe avbe ohẹn ọkpa ọre ọ ma khian ọghe ọba.

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Levitikọs 27:30

A ghae ye ihe igbe ọghe emwi okọ hia, ọghe Nọyaẹnmwa nọ, ọ re ọka nọ ra avbe ọmọ erhan.

Nọmbas 18:24

Rhunmwuda, mẹ ya a ghae yi ihe igbe ne ivbi Izrẹl ya ha oko kpataki gunmwẹ ne iran nẹ. Ọnii ọ si ẹe ne I na tama iran wẹ iran i ra gha mwẹ emwi arevbukhu vbe otọe Izrẹl.”

Diuteronomi 16:14

Ke uwa kevbe ivbi uwa, eguọmwadia uwa kevbe avbe e Livai, avbe ọrriọvbe, emọ ne ẹ i mwẹ erha, kevbe avbe ẹgbẹ ni rre ẹvbo uwa, wa ghi gha ya oghọghọ ru ẹe.

Hibru 7:5

Ivbi uniẹn Livai ni re ohẹn, te nene Uhi yi ẹre iyi ne iran wẹ, ne iran gha miẹn emwa Izrẹl obọ ọkpa vbe uwu igbe, ọnii nọ wẹ, obọ ivbi ẹvbo iran ọre iran na miẹn rẹn, a gha rhe miẹn wẹ ivbi uniẹn Ebraham iran vbe khin.

Hibru 7:9

A sẹtin ta ẹe nian wẹ, ẹghẹ ne Ebraham na hae aghaeyihigbe nii, Livai (ne uniẹn ọnrẹn ghi do gha miẹn iran nene aghaeyihigbe) vbe zọe.