Diuteronomi 26:10 - Edo Bible (E Baibol Ẹdo) Version 1996

¹⁰ Rhunmwuda onii nian, mẹ viọ ne okaro vbe uwu emwiokọ ne irẹn viọ mẹ gie Nọyaẹnmwa.’ “Iyeke ọnii, u ghi mu okhuae nii ye otọ vbe odaro e Nọyaẹnmwa ne u vbe ga vbe evba.

Diuteronomi 26:10 ပူးပေါင်းရင်းမြစ်များ

I Krọnikol 29:14

“Sokpan, levba sevba, mẹ kevbe emwa mwẹ i sẹtin gele rhie emwi kemwi nuẹn, rhunmwuda, emwi hia, wẹ ọ re ọ ya ẹe ru ọmwa ẹse, ọnii nọ wẹ emwi ne ọ re ọwuẹ nẹ ọre ima vbe dọlegbe viọ ne uẹn.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Itan 10:22

Afiangbe Nọyaẹnmwa ọ re ọ zẹ ẹfe ku ọmwa. Ẹsọn i rhie ba emwi ne ọmwa mwẹ.

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Diuteronomi 18:4

Avbe ohẹn ọ re ọ yan oghae ne okaro ọghe ọka, ayọn, ofigbọn ọliv kevbe eto ohuan.

Diuteronomi 26:17

Vbe ẹdẹnẹrẹ na, wa miẹn e Nọyaẹnmwa kue nẹ zẹ vbe Osanobua rua, wa yan rẹn ighẹ wa gha họn ẹmwẹ kevbe ne uwa gha rhie uhi ẹre mwẹ, kevbe ne uwa vbe gha ru vbene ọ khare hia.

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Diuteronomi 26:4

“Ohẹn ghi miẹn ruẹn okhuae ni, ọ ghi mu ẹẹn ye otọ vbe odaro aka ọghe Nọyaẹnmwa Osanobua ruẹ.

Diuteronomi 8:18

Wa yerre wẹ e Nọyaẹnmwa Osanobua rua, ọ re ọ rhie ẹtin ne uwa do ya fe. Ọ ru ọna rhunmwuda, ọ ho ne ọ mu ile ne ọ gu avbe erha uwa odede ta sẹ. Te irẹn wa rhie ile ni mwẹ do sẹ ẹdẹnẹrẹ na.

Arhie Maan 22:9

Sokpan rẹn keghi tama mwẹ wẹ, “Ghe danmwẹ ọẹn ghe, ọguọmwadia nii ihua, kevbe ọghe avbe akhasẹ ne etuẹn, ọre imẹ khin, kevbe ọ ghe emwa hia ni ya ẹmwẹ ni rre ebe ne ru emwi ya uhunmwu rhanmwẹ otọ ne Osanobua!”