Diuteronomi 26:1 - Edo Bible (E Baibol Ẹdo) Version 1996

¹ “Wa ghẹ ghi yin otọe nii ne Nọyaẹnmwa ne Osanobua rua ra mu ne uwa nẹ ighẹ ẹkun vbe sẹ uwa otọ nẹ.

Diuteronomi 26:1 ပူးပေါင်းရင်းမြစ်များ

Nọmbas 15:18

Ne ọ viọ ne ivbi Izrẹl ne iran gha ya ẹe ru emwi vbe otọe nii ne irẹn ra mu ne iran.

Nọmbas 15:2

emwamwa na ne Mosis ne ọ viọ ne ivbi Izrẹl ne iran gha lo ẹre vbe otọe nii ne irẹn khian mu ne iran.

Diuteronomi 13:1

“Akhasẹ ọkpa ra ọmwa ne ọ rhan otọ imina ọkpa sẹtin do khama ruẹn ighẹ rẹn gha rhie ama ra ọyunnuan ọkpa ma ruẹn.

Diuteronomi 13:9

Gbe ẹe rua! Wẹ gha re ọmwa okaro ne ọ gha ka fi okuta gbe ẹe, u ghi vbe gie emwa ni dekẹe hia filo okuta gbe ẹe.

Diuteronomi 17:14

“Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

Diuteronomi 18:9

“Wa gha sẹ otọe ne Nọyaẹnmwa Osanobua ra mu ne uwa, wa ghẹ mwẹ obọ vbe emwi emwiekhue ne iran ru ighẹ ẹvbo ni rre evba.

Diuteronomi 19:10

“Wa ru ọna, wa i khian vbe rri abe ọghe ne a na gbe ọmwa ne ọ ma rukhọ vbe otọe ne Nọyaẹnmwa ra mu ne uwa.

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Diuteronomi 26:2

Dọmwadẹ ọghe ọe vbe uwu uwa ghi viọ emwiokọ ne ọ ka gha rhọ ye okhuae, ọ ghi mu gha die ihe ọkpa nii ne a na ga.

Diuteronomi 4:21

Rhunmwuda uwa na, ọ re Nọyaẹnmwa na mu ohu ghe mwẹ, ọ na wa ta ẹe wẹ mẹ i ra fian Ẹzẹ Jọdan gberra la otọ esiesi nii ne ọ ra mu ne uwa.

Diuteronomi 5:31

Sokpan e Mosis, wẹ mudia ke mwẹ vbe emwa, I gha viọ avbe uhi ke iyi mwẹ hia ma ruẹn. Ma avbe emwa ni re, ne iran miẹn ehe na gha ya iran ru emwi vbe otọ ne I ra mu ne iran.’

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.