Diuteronomi 24:8 - Edo Bible (E Baibol Ẹdo) Version 1996

⁸ “Adeghẹ te uwẹ khuọnmwi emianmwẹ ikpakpa ne ọ gie ọmwa na hẹẹ, miẹn wẹ u ru zẹẹ vbene avbe ohẹn e Livai tama ruẹn, wa rhie owẹ lele igiodẹ iran zẹ vbene I rhie ne iran.

Diuteronomi 24:8 ပူးပေါင်းရင်းမြစ်များ

Jerimaia 33:18

Kevbe wẹ te a gha vbe gha miẹn ohẹn rhinrin vbe ẹwae Livai, ne ọ gha ga mwẹ ne ọ gha vbe gha yo imuohan ọka gunmwẹ, ne ọ vbe gha zọ ese.”

Levitikọs 13:57

A deghẹ nene irhunrhun ghi vbe dọlegbe ladian, te ọ vẹ khian nii, wẹ ne nọyan rẹn giẹn emwi nii uan.

Levitikọs 14:14

Ohẹn ghi rhie vbe esagiẹn ovbi ohuan amwẹ nii, ọ ghi rhi ẹre ye etọghọ ehọ obọ erha ọmwa, ikpinhianhọ nogie ọghe obọ erha ọmwa, kevbe ikpinhianwẹ ne ogie ọghe owẹ erha ọmwa ọmwa ne a ra ya khian ne ẹ i ghi mwẹ awua nii.

Levitikọs 14:2

Vbene a gha ya gha ru ẹmwẹ ọmwa na a sinmwi hin emianmwẹ ikpakpa egbe ne ọ mu ohan hẹ, vbe ẹdẹ ne a ra ta ẹe ighẹ awua ighi guẹe, a ghi rhie ẹre bu ohẹn gha dee.

Levitikọs 14:57

Ne a miẹn ehe na rhie ma vbe awua a gha rre emwi kevbe awua i rrọọ.

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Iyẹn ne ọ Maan Ọghe Mak 1:44

“Danmwehọ, ghẹ tama ọmwa rhọkpa, sokpan bu ohẹn gha khian ne ọ ya ghe ruẹ egbe ghe. U ghi vbe ya hae azẹ ne Mosis fian yọ, ne emwa hia miẹn ehe na rẹn ighe egbe gele rran ruẹn nẹ.” Ọ keghi zẹ ọre urrie.

Iyẹn ne ọ Maan Ọghe Luk 17:14

Jesu keghi ghe iran, ọ tama iran wẹẹ, “Wa bu ohẹn ne ọ ghe uwa egbe ghe.” Iran ghi khian, egbe keghi rran iran.

Iyẹn ne ọ Maan Ọghe Luk 5:14

Jesu keghi tama rẹn wẹẹ, “Ghẹ tama ọmwa rhọkpa, sokpan, bu ohẹn gha khian ne ọ ghe ruẹ egbe, iyeke ọnii, u ghi ya zọ ese ne Mosis mwamwa yọ ne u ya rhie ma emwa hia ighe u huan nẹ!”