Diuteronomi 24:4 - Edo Bible (E Baibol Ẹdo) Version 1996

⁴ Vbene ọ rhirhi a gha ye hẹ, ọdọ ẹre ne okaro nii ghẹ dọlegbe rhie ẹre rọnmwẹ, ọ kere ne ọ ka ẹe ba ọmwa ne awua gue. Ọ gha dọlegbe rhie ẹre, emwi osọnnọ nọ vbe odaro e Nọyaẹnmwa, wa ghẹ mu orukhọ dan vberriọ la otọe nii ne Nọyaẹnmwa Osanobua uwa ra mu ne uwa.

Diuteronomi 24:4 ပူးပေါင်းရင်းမြစ်များ

Jerimaia 3:1

E Nọyaẹnmwa khare wẹẹ, “Ọmwa gha khu amwẹ ọnrẹn nẹ, ọ na kpao sẹ ọe rae, ọ na ya rọnmwẹ okpia ọvbehe, okpia nii i ghi dọlegbe rhie ẹre ọvbehe. Emwi vberriọ gha si awua ye otọe sokpan, ẹ i re avbiẹ ọse wa he zẹlẹ, wa keghi vbe ho na ne uwa dọlegbe bu mwẹ gha dee.

Diuteronomi 20:16

“Sokpan, wa gha khọn ẹvbo ni rre otọe ne Nọyaẹnmwa Osanobua khian mu ne uwa. Wa gbele emwa hia ni rrọọ rua.

Diuteronomi 24:3

Okpia nii kevbe kha wẹ rẹn i ghi ho, ọ na vbe gbẹnnẹ ebe aheyotọ viọ nẹ ẹn, ọ na wẹ ne ọ lahin irẹn owa rre. Ra ne a kha wẹ ọdọ ẹre ne ukpogieva ni wu.

Diuteronomi 4:21

Rhunmwuda uwa na, ọ re Nọyaẹnmwa na mu ohu ghe mwẹ, ọ na wa ta ẹe wẹ mẹ i ra fian Ẹzẹ Jọdan gberra la otọ esiesi nii ne ọ ra mu ne uwa.