Diuteronomi 24:2 - Edo Bible (E Baibol Ẹdo) Version 1996

² Gia kha wẹ te okhuo nii ghi ya rọnmwẹ okpia ọvbehe.

Diuteronomi 24:2 ပူးပေါင်းရင်းမြစ်များ

Ezikiẹl 44:22

Ọ ma kei ne ohẹn rhie okhuo ne ọ kpao sẹ ọdọ ẹre rae, sokpan ovbi Izrẹl ne ọ ma he rẹn okpia, ra amwẹ ohẹn ne ọ dẹgbẹ ọ re ọ kere ne ọ gha rhie.

Levitikọs 21:14

Ẹ i re ẹgbẹe, okhuo ne a khu nẹ ra ne ọ ka re ebabotu. Okhuo ne ọ ma he rẹn okpia vbe uwu avbe emwa ẹvbo ẹre ọ re ọ gha rhie rọnmwẹ.

Levitikọs 21:7

Ohẹn ghẹ rhie okhuo ne ọ ka re ebabotu rọnmwẹ ra okhuo ne ọ rẹn okpia nẹ ra okhuo ne ọ kpao sẹ ọdọ ẹre rae, ọmwa ne ọ huanrẹn rẹn khin.

Levitikọs 22:13

Sokpan, ọmọ okhuo ne ọ dẹgbẹ ra ne ọ sẹ ọdọ rae, ẹ i vbe mwẹ emọ, ọ na vbe do gha rre owa erha ẹe zẹ vbe ọmọ ne orre owa, sẹtin re vbe evbare ne ọ sẹ erha ẹe obọ zẹ vbe ohẹn. Ọmwa ne ẹ i re ovbi ẹgbẹe ohẹn, a ghẹ giẹ re vbọ.

Nọmbas 30:9

Ẹgbẹ ra okhuo ne ọ sẹ ọdọ ẹre rae gha ve emwi ra te ọ yan rẹn ne irẹn sẹ emwi eso rae, te ọ gha mu ehia sẹ.

Matiu 5:32

Sokpan mẹ tama uwa nian wẹẹ, deghẹ ọmwaikọmwa khu amwẹ ọnrẹn vbe ne okhuo ni ma na ghẹẹ, rẹn ọre ọ gie ẹre oghẹ, deghẹ okhuo ni ya rọnmwẹ ọdọ ọvbehe. Ọmwa ne ọ rhie okhuo ne a khu ni rọnmwẹ, ọ vbe ru oghẹ.

Iyẹn ne ọ Maan Ọghe Mak 10:11

Rẹn keghi tama iran wẹẹ, “Okpia gha khu amwẹ ọnrẹn fua, ọ na vbe rhie okhuo ọvbehe, ọ ru oghẹ nẹ vbe obọ amwẹ ọnrẹn.

I Kọrinti 7:15

Vbene ọ rhirhi gha ye hẹ, a deghẹ ne ọ yayi ni ho ne ọ sẹ ne ọ ma yayi rae, gi ẹe ru vberriọ. Ọ gha ye vberriọ, ne ọ re ne ọ yayi vbọ, ọre ne okpia nọ ra ne okhuo, sẹtin zẹ ne a gha ru vbọ, rhunmwuda te Osanobua tie uwa ne uwa gha rrọọ vbe ọfumwegbe.

Diuteronomi 24:1

“Gie a kha wẹ okpia rhie okhuo, vbe okiekie ọ na wẹ rẹn i ghi vbe rhie rhunmwuda, ọ miẹn emwi eso ne ẹ i yẹ irẹn vbe obọ ẹre. Rẹn keghi rhunmwuda onii gbẹn ebe aheyotọ viọ nẹ ẹn, ọ na wẹ ne ọ lahin irẹn owa rre.

Diuteronomi 24:3

Okpia nii kevbe kha wẹ rẹn i ghi ho, ọ na vbe gbẹnnẹ ebe aheyotọ viọ nẹ ẹn, ọ na wẹ ne ọ lahin irẹn owa rre. Ra ne a kha wẹ ọdọ ẹre ne ukpogieva ni wu.