Diuteronomi 24:16 - Edo Bible (E Baibol Ẹdo) Version 1996

¹⁶ “A ghẹ gbe evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru, orukhọ ne ọmwa ru ọkpa ọre a gha gbe ẹe yi.

Diuteronomi 24:16 ပူးပေါင်းရင်းမြစ်များ

II Krọnikol 25:4

Sokpan, ọ ma gbele ivbi iran uan, ọ keghi lele iyi ne Nọyaẹnmwa mu ye uhi e Mosis wẹẹ, “A ghẹ gbe evbibiọmọ ye orukhọ ne ivbi iran ru, a ghẹ vbe gbe emọ ye orukhọ ne evbibiẹ iran ru, orukhọ ne ọmwa tobọ ẹre ru ọkpa ọ re a gha gbe ẹe rua ba.”

Ezikiẹl 18:20

Ọmwa ne ọ ru orukhọ ọ re ọ gha wu. Ọmọ i rrioya ye orukhọ erha ẹe, ra ne erha rri oya ye orukhọ ne ọmọ ru. A gha san ọmwa esi ẹse ye emwi esi ne ọ ru, ọmwa dan gha vbe rrioya ye emwi dan ne ọ ru.

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Nọmbas 26:11

Sokpan, a ma gbele ivbi e Kora.)

I Samuẹl 22:16

Ọba keghi kha wẹẹ, “Ahimẹlẹk, uhunmwu wẹ vbe ẹgbẹe ruẹ hia ra ya khiẹ ọre.”