Diuteronomi 23:3 - Edo Bible (E Baibol Ẹdo) Version 1996

³ “A ghẹ ka ovbi Amọn ra Moab kevbe emọ ne iran biẹlẹ ba emwa e Nọyaẹnmwa, uhin ya sẹ orre ne ogigbe.

Diuteronomi 23:3 ပူးပေါင်းရင်းမြစ်များ

Nehimaia 13:23

Ẹghẹ nii, I kevbe do miẹn wẹ ikpia ni bun vbe uwu avbe Ju viọ ikhuo vbe ivbi Asdọd, Amọn kevbe Moab.

Nehimaia 4:3

E Tobaia ne ọ mudia ke ẹe vbe evba keghi nọ wẹẹ, “Vbọkhun ekẹn ne ena ra sẹtin gbe yi, uhin ighẹ te umuọkhọkhọ sẹtin rrua ẹre gbotọ.”

Nehimaia 4:7

E Sanbọlat, e Tobaia kevbe ivbi Arebia, Amọn kevbe Asdọd keghi họn wẹ ma wa ya nene ekẹn ne a gbe khian; ekẹn e Jerusalẹm, kevbe wẹ, ẹkpo nii rre ekẹn ni, te a ghi do gha gbe ẹe vba egbe, ohu keghi mu iran ẹsẹse.

Aizaia 56:3

Ọ ma kei ne orhunmwuyẹn ne ọ deba emwa e Nọyaẹnmwa kha wẹẹ, “E Nọyaẹnmwa i ra gunmwẹ yaba emwa rẹn gha ga.” Ọmwa ne a ware, ọ ma kei ne ọ gha ro wẹ rhunmwuda ighẹ rẹn i sẹtin biẹ, rẹn i sẹtin gha re ọkpa vbe uwu emwa e Nọyaẹnmwa.

Jerimaia 49:1

Ẹmwẹ ne Nọyaẹnmwa tae vbe ekpa Amọn ọ re ọna khin: “Avbe ikpia ivbi Izrẹl vbo yi? A ma ghi miẹn ne ọ khọn ne ẹvbo ẹre vbọ ra? Vbọzẹ ne iran na gie avbe emwa ni gho Milkọm khọn mu otọe ẹwae e Gad, ne iran vbe yin ẹnrẹn yi?

Eve Orriara 1:10

Avbe eghian do ẹre emwi ne ọ mwẹ hia viọ. Rẹn ye aro ẹre bẹghe iran vbe iran lao uwu Ọgua Osa tobọ ẹre; ehe ne Nọyaẹnmwa wẹ ne emwa ne ẹ i re Ju ghẹ lao.

Matiu 5:43

“Wa họn ẹn vbene a ka tae wẹẹ, ‘Ho ẹmwẹ ne ọ ho ẹmwẹ ruẹn, khuiwu ne a khuiwu ruẹ.’

Diuteronomi 23:2

“Ọmọ ne erha ẹe vbe iye ẹe ma rọnmwẹ egbe, a ghẹ ka ẹe kevbe emọ ne ọ gha biẹlẹ ba emwa e Nọyaẹnmwa, uhin ya sẹ orre ne ogigbe.

Ebe Rut 4:6

Ẹre ọmwa nii na kha wẹẹ, “A deghẹ erriọ nọ, a gha rhe miẹn wẹ mẹ ọ re ọ khẹ ke ne ọ dẹ ugbo nii, mẹ i ra ru vberriọ, rhunmwuda ọ gha rhie maa ighẹ ivbi mwẹ i ra sẹtin rri ọe vbe ukhu. I mu asẹ mwẹ ne uẹn ne uwẹ dẹ nene ugbo, mẹ i ra dẹ ọe.”