Diuteronomi 22:9 - Edo Bible (E Baibol Ẹdo) Version 1996

⁹ “Ghẹ kọ emwiokọ ọvbehe ba erhan ne a ye ọmọ rẹn ru ayọn ne ọ baa, U gha ru ẹe vberriọ, a i ghi gie uwẹ lo ọmọ vbe emwi ne a ya ru ayọn ne ọ baa ra ọmọ ne emwi okọ ni mọẹn.

Diuteronomi 22:9 ပူးပေါင်းရင်းမြစ်များ

Levitikọs 19:19

“Gha ya uhi mwẹ ru emwi. Ghẹ gie emwirri ni i re ọkpa gha mu egbe ne iran miẹn ehe na biẹlẹ azẹguagua. Ghẹ kọ emwi okọ ughughan eva ye otọ okpa. Ghe rhuan ukpọn ne a ya emwi ughughan eva do.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Matiu 9:16

Ọmwa i ra rhie ukpọn ọgbọngbọn ya te ẹwu nọ rẹnhuan nẹ, rhunmwuda, te ne a ya tẹe ni ra yuo fua vbọ, ukpọn ni ghi vbe dọlegbe yanghan sẹ ayọ.

Ebe ne Pọl gbẹẹn gie emwa Rom 11:6

Itohan rẹn ọre ọ lele zẹ emwa ne ọ hannọ zẹ ighẹ ẹ i re rhunmwuda uyinmwẹ iran. Rhunmwuda, akpawẹ rhunmwuda uyinmwẹ emwa ọre Osanobua ya hannọ emwa zẹ, itohan rẹn i ghẹ ghi gha re itohan ẹmwata.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

Diuteronomi 22:8

“U gha bọ owa ọgbọn, ghẹ mwẹ u ma ru emwi ne a dayi lẹga ehọ okhiẹ ọ re. Ẹghẹ nii, ẹ i ghi rre urhu ruẹ ọ re ọ ye a deghẹ ọmwa defua, ọ na wu.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.