Diuteronomi 22:8 - Edo Bible (E Baibol Ẹdo) Version 1996

⁸ “U gha bọ owa ọgbọn, ghẹ mwẹ u ma ru emwi ne a dayi lẹga ehọ okhiẹ ọ re. Ẹghẹ nii, ẹ i ghi rre urhu ruẹ ọ re ọ ye a deghẹ ọmwa defua, ọ na wu.

Diuteronomi 22:8 ပူးပေါင်းရင်းမြစ်များ

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

Ẹksọdọs 22:6

Ọmwa gha hie erhẹn, ọ na la uwu irunmwu, ọ na giẹn ọka ne ọ sẹ dee ra ọka na ma he fian ra ugbo emwiokọ, ọmwa ne ọ hie erhẹn nii ghi ha osa emwi ne ọ rhiaraa.

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Ezikiẹl 3:18

A deghẹ mẹ khare I ghẹ ọmwa dan gha wu, sokpan, wẹ ma tama rẹn khẹ ọ dee ne ọ miẹn ehe na fiwerriẹ, ne ọ miẹn ehe na miẹn uhunmwu, ọ gha wu ye uwu orukhọ ne ọ ru, sokpan obọ ruẹ ọ re I ra lẹ uwu ẹre ginna.

Ezikiẹl 3:20

Adeghẹ ọmwa esiesi suẹn gha ru orukhọ, I na rhie ẹre uhunmwu da ẹbe, ọ gha wu adeghẹ wẹ ma tama rẹn khẹ ọ dee. Ọ gha wu rhunmwuda orukhọ ẹre, mẹ i ra vbe ye emwi esi ne ọ te ka gha ru rre, I gha lẹ uwu ẹre ginna ruẹn obọ.

Matiu 10:27

Emwi ne I tama uwa vbe ebiebi, wa gha rrie azagba ya tae ladian, emwi ne uwa họn ẹn vbe ẹkhokho, wa ya wewẹe vbe ẹrhunrhun owa.

Iyẹn ne ọ Maan Ọghe Mak 2:4

Sokpan iran ma miẹn ehe la sẹ ehe ne Jesu ye baẹmwẹ ubunmwẹ ẹvbo. Iran keghi ya ha ihie vbe odukhunmwu ehe ne Jesu ye. Iran ghi vbẹ ọre nẹ, iran keghi mu okpia ni la evba tuorre ke irẹn kevbe ewa.

Iwinna 10:9

Vbe ikpẹdẹ ne ọ lele ẹe vbe iran ghi khian sẹ Jopa, Pita keghi hin odukhunmwu ihie owa ne ọ ya na erhunmwu vbe ẹghẹ ogiavan.

Ebe ne Pọl gbẹẹn gie emwa Rom 14:13

Rhunmwuda ọnii, wa gie ima dobọ ne a na zan egbe yi, sokpan emwi ne uwa gha hẹnhẹn unu ẹnrẹn ọrọre wẹẹ ne a ghẹ ru emwikemwi ne ọ gha ya ọtuẹn rrua owẹ, ra ne ogha ya ẹe ru orukhọ.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

Diuteronomi 22:7

U sẹtin viọ ivbi ahianmwẹ negiẹrẹ nii, sokpan, u ghi gie iye ahianmwẹ nii gha rrie, ne u miẹn ehe na tọọ ne agbọn vbe ma ruẹn.

Diuteronomi 22:9

“Ghẹ kọ emwiokọ ọvbehe ba erhan ne a ye ọmọ rẹn ru ayọn ne ọ baa, U gha ru ẹe vberriọ, a i ghi gie uwẹ lo ọmọ vbe emwi ne a ya ru ayọn ne ọ baa ra ọmọ ne emwi okọ ni mọẹn.

Filipai 1:10

Ne uwa miẹn ehe na sẹtin gha zẹ emwi ne ọ maa sẹ. Ẹghẹ nii, wa ghi fe vbe obọ a ma ru emwi la uro kevbe a gu ọmwa gui vbe Ẹdẹ Kristi.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

I Samuẹl 9:25

Iran ghi ke ehe ne iran na ya gaa na sẹ ore ẹvbo, iran keghi wa ukpo ne Sọl vbe egedege,