Diuteronomi 22:4 - Edo Bible (E Baibol Ẹdo) Version 1996

⁴ “Deghẹ ekẹtẹkẹtẹ ra ẹmila ovbi Izrẹl ne ihua de vbe odẹ, ghẹ fi aroa, u ghi gu ẹe tọn ẹẹn mu ne ọ mudia.

Diuteronomi 22:4 ပူးပေါင်းရင်းမြစ်များ

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Ebe ne Pọl gbẹẹn gie emwa Rom 15:1

Ọ kere ne ima ne iyayi ẹre wegbe gha kpa iran ni ma wegbe ihẹ. Ọ ma kei ne ima gha ru ne ọ yẹ egbe mwa.

II Kọrinti 12:15

Ẹko rhiẹnrhiẹnmwẹ ọre I gha ya lo emwi ne I mwẹ hia, ya sẹ egbe imẹ tobọ mwẹ bare, ne I ya ye uwa obọ. Rhunmwuda ne I na ho ẹmwẹ uwa sẹrriọ, ọre uwa ghi na si egbe vbe aho ne uwa mwẹ ghe mwẹ ra?

Diuteronomi 22:3

Erriọ u gha vbe ru ẹe a deghẹ ekẹtẹkẹtẹ, ovbi ọza, ra emwi ọvbehe ne ọ rhirhi gha khin ne ovbi Izrẹl ne ihua mu fua.

Diuteronomi 22:5

“Ikhuo ghẹ yọ ukpọn ikpia, ikpia ghẹ yọ ukpọn ikhuo. Te Nọyaẹnmwa Osanobua uwa khuiwu emwa ni ru vberriọ.

I Tẹsalonaika 5:14

Ma kakabọ tua unu muẹn ma uwa etẹn mwẹ, wa gha ye obọ sa ekhae ne iran ni si oroho, wa gha rhie udinmwẹ ne iran ni ma din, wa gha ye iran ni ma wo vbe egbe obọ, wa gha mu ẹmwẹ emwa hia wo egbe.