Diuteronomi 22:1 - Edo Bible (E Baibol Ẹdo) Version 1996

¹ “U gha bẹghe ẹre ighẹ ẹmila ra ohuan ọghe ovbi Izrẹl ne ihua ra lẹ fua, ghẹ fi aro a, ya mu ẹẹn werriegbe gie ẹe.

Diuteronomi 22:1 ပူးပေါင်းရင်းမြစ်များ

Itan 24:11

Ghẹ siobọ vbe iwinna ọghe ne a fan ọmwa ne a bu ohiẹn eku uwu gbe ne a ra gbe ua yotọ.

Itan 27:10

Ghẹ mianmian avbe ọse ruẹ ra avbe ọse erha a, u gha mwẹ ọlọghọmwa, ghẹ nọ ọtuẹn iyobọ. Ọmwa ẹdogbo ne ọ sikẹ ọmwa gha sẹtin ru iyobọ nuẹn sẹ ọtẹn ne ọ rre urria.

Itan 28:27

Gha rhie emwi ne avbe ivbiogue, wẹ i ra vbabọ ẹdẹ. U gha fi aro rua vbe egbe ovbiogue, emwa nibun ghi gha tie ihẹn nuẹn.

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 34:4

“ ‘Wa ma gbearoghe iran ni ma wegbe, wa ma sinmwi iran ni khuọnmwi vbọ, wa ma gba iran ni miẹn ikuangbe vbọ ẹwẹn. Wa ma ya viọ iran ni bibi odẹ vbọ werriegbe, ra ne uwa gualọ iran ni wiri vbọ viọ werriegbe rre. Sokpan, ne uwa gha na te ru vberriọ, wa keghi gha ru iran khọ.

Levitikọs 20:4

Sokpan a deghẹ emwa nii ma ka emwi ne ọmwa nii ru yọ, i ghẹ iran ma gbe ẹe rua,

Levitikọs 6:3

Ra te ọ ta ohoghe ye ẹmwẹ emwi ne ọ wiri, vbene ọ gha na vẹn ihẹn wẹ rẹn ma miẹn ọẹn.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Matiu 10:6

Wa bu ohuan ni wiri ni rre ivbi Izrẹl gha khian.

Matiu 15:24

Jesu keghi wanniẹn wẹẹ, “Ohuan ni wiri ni rre ivbi Izrẹl ọkpa ọre a gie mwẹ bu gha dee.”

I Kọrinti 9:9

Ma miẹn ọẹn tie vbe Uhi e Mosis wẹẹ, “Ghẹ gba ẹmila ne ọ wiẹn ọka unu vbe ọ gha wiẹn ọka.” Te uwẹ wẹ Osanobua zẹ ye ẹmwẹ ẹmila ra?

Diuteronomi 22:2

Sokpan a deghẹ ehe ne nọyan rẹn ye rrei ra te u ma rẹn nọyan rẹn, u ghi mu ẹẹn gha rrie owa, nọyan rẹn ghẹ ghi gualọ ẹe rre, u ghi mu ne ẹẹn.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.