Diuteronomi 21:5 - Edo Bible (E Baibol Ẹdo) Version 1996

⁵ Avbe ohẹn Livai ghi vbe gha rre evba rhunmwuda iran ọ re ọ gha bu ohiẹn uhi ne o dekan uyinmwẹ ikẹtin hia. E Nọyaẹnmwa Osanobua ọ re ọ zẹ iran ne iran gha ga irẹn, kevbe ne iran vbe gha ya eni irẹn fiangbe ọmwa.

Diuteronomi 21:5 ပူးပေါင်းရင်းမြစ်များ

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

II Krọnikol 19:10

Ẹghẹikẹghẹ ne emwa ẹvbo na ne ihua a ya do gui ma uwa vbe ekpa izigha ọyẹvbu, ra a rra uhi, ra iyi ne ọ rhirhi a gha khin, wa ghi hẹko ma iran ẹre vbene iran gha ru hẹ vbe iran a gha gui ẹzọ nii, ne iran ghẹ ya rra uhi ọghe a rukhọ ghe Nọyaẹnmwa. Deghẹ ẹ i re te uwa ru vberriọ, wẹ kevbe emwa ẹvbo ruẹ ne ihua gha họn ẹmwẹ obọ ne ọ tọn ọghe ohu e Nọyaẹnmwa vbe egbe. Sokpan, a dẹghe wa winna iwinna uwa, wa i ra rri abe.

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Ezikiẹl 44:24

Imuaẹmwẹ ne a tie uhi ginna gha sunu, avbe ohẹn ghi lele uhi mwẹ ya bu ẹre. Iran ghi gha ru avbe emwi ukpo iyayi zẹ vbe uhi kevbe ilele mwẹ, iran ghi vbe zẹ Ẹdẹ Ikẹtin kọ zẹ vbe emwi nọhuanrẹn.

Levitikọs 9:22

Ugbẹn vbe Errọn ghi zọ ese na hia fo nẹ, ọ keghi tọn obọ ẹre mu yan emwa nii, ọ na fiangbe iran, ọ ke ghi tuorre.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.

Diuteronomi 18:5

Te Nọyaẹnmwa zẹ ẹwae Livai ladian vbe uwu uwa ne iran gha ga irẹn zẹ vbe ohẹn ẹdẹdẹmwẹdẹ.

Diuteronomi 19:17

Iran eveva ghi do mudia vbe ehe ọkpa ne a na ga nii, ne avbe ohẹn kevbe ni bu ohiẹn ni mu unu ẹghẹ nii, bu ohiẹn iran.

Diuteronomi 21:4

A ghi rhie ẹre gha rrie ẹzẹ ne ẹ i ka ehe ne otọ ne a ma he mu ẹre ugbo ra ne a kọ emwi yọ ẹdẹ, a ghi khiẹn ẹre ẹyaẹn gbẹe rua vbe evba.