Diuteronomi 20:6 - Edo Bible (E Baibol Ẹdo) Version 1996

⁶ Emwa eso rre emwa ne ọ da kọ ugbo ọmọ erhan ne a ya ru ayọn ne ọ baa ra, ne ọ ma he miẹn ẹghẹ ya rhọ ẹre? Adeghẹ ọ rrọọ ọ sẹtin gha rrie owa. Ne a ghẹ miẹn wẹẹ adeghẹ a gbe ẹe vbe okuo, ọmwa ọvbehe ghi ya ye ayọn ẹnrẹn ru.

Diuteronomi 20:6 ပူးပေါင်းရင်းမြစ်များ

Jerimaia 31:5

Wa gha ye vbe kọ azara ye avbe uhunmwu oke Sameria, emwa ni kọe gha rri ọmọ azara nii.

Zẹfanaia 1:13

Emwa gha fu iran emwi viọ, a gha dunmwu owa iran an. Iran i yin owa ne iran bọlọe ra ne iran da ayọn vbe ọghe ugbo azara ne iran gbee.”

I Kọrinti 9:7

Wa he vbe họn ovbiyokuo ne ọ ya igho obọ ẹre ha osa ne egbe ẹre vbe ọ gbinna vbe okuo? Ra ọgbugbo ne ẹ i re vbe emwiokọ ne ugbo ẹre? Ra ọsuohuan ne ẹ i rri ewẹn ne a mi vbe ohuan irẹn?

Diuteronomi 20:5

“Ẹghẹ nii, avbe ekaolotu ghi do gu emwa nii guan wẹẹ, ‘Arhin eso rre emwa na ra ne ọ bọ owa ne ọ ma he kie ẹre? A deghẹ ọ rrọọ, ọ sẹtin gha rrie. Ne a ghẹ miẹn wẹ, a gha gbe ẹe vbe okuo ọmwa ọvbehe ọ re ọ ghi ya kie owa ẹre.

Diuteronomi 20:7

Arhin eso rre emwa ne ọ ga ye ọmọ ne ọ ra rhie ra? Adeghẹ ọrrọọ ọ sẹtin gha rrie owa. Ne a ghẹ miẹn wẹ adeghẹ a gbe ẹe vbe okuo, ọmwa ọvbehe ghi ya rhie okhuo ne ọ ga yi.’