Diuteronomi 20:5 - Edo Bible (E Baibol Ẹdo) Version 1996

⁵ “Ẹghẹ nii, avbe ekaolotu ghi do gu emwa nii guan wẹẹ, ‘Arhin eso rre emwa na ra ne ọ bọ owa ne ọ ma he kie ẹre? A deghẹ ọ rrọọ, ọ sẹtin gha rrie. Ne a ghẹ miẹn wẹ, a gha gbe ẹe vbe okuo ọmwa ọvbehe ọ re ọ ghi ya kie owa ẹre.

Diuteronomi 20:5 ပူးပေါင်းရင်းမြစ်များ

Nehimaia 12:27

Ẹghẹ ne a na ye ekẹn ne a gbe lẹga Jerusalẹm fi ohan, a keghi ya viọ avbe Livai ke ehe ne iran a rhirhi a gha ye rre ne iran deba emwiukpo a ya fi ohan ni vbene iran gha na so ihuan ekpọnmwẹ deba isẹ kevbe akpata ne a kpee.

Psalm 30:1

I rho ruẹ Nọyaẹnmwa, rhunmwuda u miẹn mwẹ fan nẹ, u ma gie avbe eghian mwẹ ghọghọ mwẹ.

Nọmbas 31:14

Ohu avbe ekaolotu mu e Mosis, avbe iran ni kha yan arriaisẹn kevbe otu otu ọghe iwinna vbe okuo, ni ke okuo nii rre.

Nọmbas 31:48

Avbe ọkaolotu ni gha re ọkaokuo vbe okuo keghi bu e Mosis gha khian, iran tama rẹn wẹẹ,

Diuteronomi 1:15

Ọre I na viọ emwa ni wan an, kevbe ni rẹn agbọn vbe uwu avbe ekaolotu uwa ne uwa zẹlẹe vbe ẹwae uwa, I na wẹ ne iran gha gbearoghe uwa. Eso kegha gbearoghe arhin arriaisẹn vbọ, eso iyisẹn, eso ekigbesiyeha, eso igbe. I keghi ye vbe zẹlẹ emwa ọvbehe eso ye ukpo vbe uwu avbe ẹwae nii hia.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

Diuteronomi 20:6

Emwa eso rre emwa ne ọ da kọ ugbo ọmọ erhan ne a ya ru ayọn ne ọ baa ra, ne ọ ma he miẹn ẹghẹ ya rhọ ẹre? Adeghẹ ọ rrọọ ọ sẹtin gha rrie owa. Ne a ghẹ miẹn wẹẹ adeghẹ a gbe ẹe vbe okuo, ọmwa ọvbehe ghi ya ye ayọn ẹnrẹn ru.

I Samuẹl 17:18

U ghi vbe viọ ipapa emiowo ne aranmwẹ na gie ọkaokuo ne ọ rre evba. Ya ghe vbene ọ ghi ye avbe etuẹn hẹẹ, u ghi rhie emwi eso rre ne u gha rhiema ighẹ u miẹn iran, kevbe wẹ egbe rran iran.