Diuteronomi 20:16 - Edo Bible (E Baibol Ẹdo) Version 1996

¹⁶ “Sokpan, wa gha khọn ẹvbo ni rre otọe ne Nọyaẹnmwa Osanobua khian mu ne uwa. Wa gbele emwa hia ni rrọọ rua.

Diuteronomi 20:16 ပူးပေါင်းရင်းမြစ်များ

Nọmbas 21:35

Ẹre ivbi Izrẹl na gbe Ọg, kevbe ovbi ẹre kevbe emwa ni hia vbe ne ọkpa ma na vbe ke ẹe vbo, iran na yin otọe nii.

Nọmbas 31:17

Rhunmwuda ọnii nian, gbele ibiẹka ikpia hia, kevbe ikhuo hia ni rẹn okpia nẹ.

Nọmbas 33:52

wa ghẹ mwẹ wa ma khulo emwa ni rre otọe nii hia hinrre. Wa ghi dunmwu amazẹ iran ne a ya okuta ra ematọn ru ruan, deba ehe ne iran na ga hia.

Diuteronomi 20:15

Erriọ wa khian gha ru avbe ẹvbo ni khian rrei vbe otọe ne uwa khian yin.

Diuteronomi 20:17

Wa wa gbele emwa ni rrọ hia fo fẹẹrẹ: e Hiti, Amọri, e Kenan, e Pẹriz, e Hivi kevbe Jebus zẹ vbene Nọyaẹnmwa tama uwa ne uwa ru.

Diuteronomi 24:4

Vbene ọ rhirhi a gha ye hẹ, ọdọ ẹre ne okaro nii ghẹ dọlegbe rhie ẹre rọnmwẹ, ọ kere ne ọ ka ẹe ba ọmwa ne awua gue. Ọ gha dọlegbe rhie ẹre, emwi osọnnọ nọ vbe odaro e Nọyaẹnmwa, wa ghẹ mu orukhọ dan vberriọ la otọe nii ne Nọyaẹnmwa Osanobua uwa ra mu ne uwa.

Diuteronomi 31:5

E Nọyaẹnmwa gha gie uwa khọn iran miotọ, wa ghi ru iran vbene I tama uwa zẹẹ.

Diuteronomi 4:21

Rhunmwuda uwa na, ọ re Nọyaẹnmwa na mu ohu ghe mwẹ, ọ na wa ta ẹe wẹ mẹ i ra fian Ẹzẹ Jọdan gberra la otọ esiesi nii ne ọ ra mu ne uwa.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Jọsua 10:20

E Jọsua kevbe ivbi Izrẹl keghi lọkọ iran; iran ne a ma he gbelua ke ya lẹre ye uwu ekẹn ne a gbe ga ẹvbo iran.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 11:14

Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

Jọsua 6:24

Iyeke ọnii, iran na mu erhẹn ye ẹvbo nii, iran keghi giẹn ọnrẹn uan ke ẹe kevbe emwi ni rrọọ hia sokpan amawẹ avbe emwi nii ne a ya igoru, esiliva, oze kevbe ematọn ru, iran na viọ enii ya hẹ ye uwu aza e Nọyaẹnmwa.

Jọsua 8:25

Iran keghi gbele emwa ni rre Eai fo ẹdẹ nẹdẹrriọ, ọmwa arhin arriaisẹn iweva, (12,000) ikpia kevbe ikhuo. E Jọsua keghi ye niẹn asoro ẹre da Eai, ọ ma vbe rhie ẹre ghe otọe a te do miẹn wẹ a gbele emwa hia ni rre evba ni fo.

Jọsua 8:8

Wa ghẹ ghi khọn ẹvbo nii nẹ, wa ghi mu erhẹn yọ zẹ vbene e Nọyaẹnmwa khare zẹẹ. Uhunmwu ne a gie uwa ẹre ọ re onii khin.”

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

Jọsua 9:27

Sokpan, vbe uwu ẹre nii, ọ keghi ya iran ru ni rhọ erhan kevbe ni sa amẹ ne ivbi Izrẹl kevbe aka ọghe Nọyaẹnmwa. Erriọ iran ye ru ẹe do sẹ ẹdẹ nẹrẹ na. Iran ghi gha winna vbe ehe ne e Nọyaẹnmwa a rhirhi wẹ ne a na gha ga irẹn.

Jọsua 9:7

Sokpan ivbi Izrẹl keghi tama ivbi e Hivi wẹẹ, “Vbe ima a ghi guwa vẹn ihẹn ne egbe hẹ, ọ gha kẹe, ehe ne uwa ye ma khian rrei vbe emwana.”

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”