Diuteronomi 2:8 - Edo Bible (E Baibol Ẹdo) Version 1996

⁸ Ẹre ima na ghi si okhian, ma na kpao hin odẹ ne ọ rrie Ẹlat kevbe Eziọngeba rre, a na gha rrie odẹ Okun Ne ọ wu, a na gban egbe ghe odẹ okuọ ghe odẹ Moab.

Diuteronomi 2:8 ပူးပေါင်းရင်းမြစ်များ

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

I Ọba 9:26

E Solomọn keghi vbe bọ ọgbagba okọ vbe Eziọngeba ne ọ rre ọkpẹn Ẹlat ne ọ rre eghute Oke Ẹzẹ Akaba, vbe otọ Idọm.

II Ọba 14:22

Erha ẹe ghi wu nẹ, Uzaia keghi khọn mu Ẹlat, ọ na dọlegbe họ ẹe.

II Ọba 16:6

(Vbe ẹghẹ ọkpa na, ọ re ọha Idọm na dọlegbe mu Ẹlat werriegbe, ọ na khulo ivbi e Juda ni yin evba ladian. Ivbi Idọm keghi yin evba nii. Te iran ye rre evba do sẹ ẹdẹnẹrẹ na.)

Nọmbas 21:4

Ivbi Izrẹl keghi la odẹ Ẹzẹ Irunmwu kpahin oke Họ rre, ne iran miẹn ehe na fian oha ye Idọm obọ gberra. Sokpan iran ghi sẹ odẹ, emwa ma ghi sẹtin zin egbe.

Diuteronomi 1:1

Ẹmwẹ ni rre ebe na keghi re avbe ẹmwẹ ne Mosis gu ivbi Izrẹl guan ẹkpo ne iran na gha rre otọ ẹgbo vbe odẹ ahọ ọghe Ẹzẹ Jọdan. Iran kegha rre Iya ọghe Jọdan vbe ọkpẹn Suf, ẹvbo ne a tie ẹre Paran kegha rre iran obọ ọkpa, avbe ẹvbo ne a tie ẹre Tofẹl, Leban, Hazẹrot kevbe Dizahab kegha rre iran obọ nọkpa.

Giọgis 11:18

Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.