Diuteronomi 2:7 - Edo Bible (E Baibol Ẹdo) Version 1996

⁷ “Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 2:7 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 24:35

E Nọyaẹnmwa fiangbe arowa mwẹ ẹsẹse, ọ keghi yae khian okpọmwa. Ọ viọ oghẹn ohuan kevbe ọghe ẹwe nẹẹn, ẹmila, esiliva, igoru, eviẹn ikpia kevbe ikhuo, ekẹtẹkẹtẹ kevbe ẹsin.

Gẹnẹsis 26:12

Aizik keghi mu ugbo vbe ẹvbo nii vbe ukpo nii, emwi ne ọ rhọre keghi ya ukhukhu arriaisẹn bun sẹ vbe ne ọ ya kọ, rhunmwuda e Nọyaẹnmwa fiangbẹe.

Gẹnẹsis 30:27

E Leban keghi tama rẹn wẹẹ, “Gun mwẹ tama ruẹn, I ghe emwi yọ, I keghi miẹn wẹ rhunmwuda ruẹ ọre Nọyaẹnmwa na fiangbe mwẹ.

Gẹnẹsis 39:3

Arowa ẹre keghi miẹn wẹ e Nọyaẹnmwa mudia ne Josẹf kevbe wẹ Nọyaẹnmwa gie emwi ne ọ ru hia gha dinna odẹ.

Gẹnẹsis 39:5

Ke ẹghẹ ni kpao Osanobua keghi fiangbe igiowa Pọtifa ne ọmwa Igipt rhunmwuda e Josẹf. Nọyaẹnmwa keghi fiangbẹe vbe owa kevbe odẹ.

Nehimaia 9:21

Ukpo iyeva vbe uwu ato, te u ye viọ emwi ne iran gualọ ne iran ukpọn iran ma yanghan, owẹ ma vbe hinmwian rhunmwuda obalọ.

Job 23:10

Sevba, Osanobua rẹn dọmwadẹ owẹ ni I zẹ vbotọ. Ọ gha danmwẹ mwẹ ghe, ọ gha miẹn wẹ, I i mwẹ iruẹn.

Psalm 1:6

E Nọyaẹnmwa ọ re ọ su avbe emwata, rẹn ọ re ọ vbe viọ iran lẹre, sokpan, avbe emwa dan, odẹ ọfuan ọghe iran, ọ re iran gbẹn.

Psalm 107:4

Eso kegha zozo lele ato ne odẹ i ye khian iran ma vbe miẹn odẹ la gha rriẹ ẹvbo ne iran gha dia.

Psalm 31:7

I gha sẹ ọyẹnmwẹ, I ghi vbe gha ghọghọ rhunmwuda ahoẹmwọmwa ruẹn ne ẹi beghe. U miẹn oya ne I re, u rẹn ọlọghọmwa mwẹ.

Psalm 90:17

E Nọyaẹnmwa Osanobua mwa gie afiangbe ruẹ gha rre ima egbe gie emwi ne ima ru hia dunna ne ima.

Ẹksọdọs 16:35

Ukpo iyeva ọre ivbi Izrẹl rri emana la, iran te do sẹ otọe Kenan ne iran yinrin.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Hozia 13:5

Mẹ ọ re ọ gbearoghe uwa vbe otọe ato ne ọ kae.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Nọmbas 1:1

Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

Nọmbas 14:33

Ivbi uwa gha zozo la ukpo iyeva vbe uwu ẹgbo, iran ghi gha rri oya ba ẹmwẹ ne uwa i na gia mu ẹtin yan, a te do miẹn wẹ ne okiekie vbe uwu uwa, wu.

Nọmbas 14:34

Ukpo iyeva ọre uwa ra ya rri oya ye orukhọ uwa, ukpo ọkpa ye ikpẹdẹ ọkpọkpa ne uwa ya ghe otọe ni ghe. Wa gha rẹn emwi ne a ya kha we ne uwa si okuo mwẹ rrie egbe!

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Nọmbas 32:13

Ohu emwa nii keghi mu e Nọyaẹnmwa, ọ keghi ya iran gha zozo la uwu ato khian la ukpo iyeva, a te do miẹn wẹ orre nii hia ni ya ohu mu ẹẹn, wulo fo fẹẹrẹ.

Iyẹn ne ọ Maan Ọghe Luk 22:35

Ẹghẹ nii ọre Jesu na tama iran wẹẹ, “Ẹghẹ ne I na gie uwa ladian, ne I na wẹ ne uwa ghẹ rhie ẹsiso ra ẹkpo ra ibata, emwi rhọkpa vbe uwa ra?” Iran wanniẹn wẹẹ, “Ẹn o.”

Iyẹn ne ọ Maan Ọghe Jọn 10:27

Avbe ohuan mwẹ danmwehọ urhu mwẹ. Mẹ rẹn iran, iran vbe lele mwẹ.

Diuteronomi 1:19

“Ma keghi ru zẹ vbene Nọyaẹnmwa gie. Ma si kẹ oke Sainai kpao, ma na la ato nọkhua ne ọ mu ohan ne ọ rre odẹ ne a la ye ẹvbo oke emwa Amọri. Ma ghi sẹ Kedẹs Bania,

Diuteronomi 1:46

“Ọnii ọ siẹe ne ima na mudia kpẹe sẹrriọ vbe Kedẹs.

Diuteronomi 2:14

Ke ẹghẹ ne ima ya kpao vbe Kedẹs Bania rre yasẹ ne ima ya fian Zẹrẹd rra, ke gha re ukpo eva irrọvbiyeva. Emwa ni sẹtin yo okuo vbe orre nii hia wulo fo nẹ zẹ vbe ne Nọyaẹnmwa ta ẹe wẹ iran gha wulo.

Diuteronomi 2:6

Wa sẹtin gu iran dẹlẹ evbare ra amẹ.’

Diuteronomi 29:4

Sokpan, do sẹ ẹdẹnẹrẹ na, ọ ma he sẹtin ru ẹe ne uwa rẹn otọ emwi ne uwa miẹn.

Diuteronomi 29:5

Vbe ukpo iyeva ne Nọyaẹnmwa ya viọ uwa la uwu ato gberra, ukpọn uwa kevbe ibata uwa ma khian ọmaẹn.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.