Diuteronomi 2:34 - Edo Bible (E Baibol Ẹdo) Version 1996

³⁴ Vbe uwu ẹre nii, ma keghi khọn ẹvbo ni rrọọ hia mu otọ, ma keghi gbele emwa hia a, ikpia kevbe ikhuo kevbe ibiẹka. Ma ma vbe sẹ ọkpa rae ye agbọn.

Diuteronomi 2:34 ပူးပေါင်းရင်းမြစ်များ

Diuteronomi 3:6

Ma keghi wa rẹnkhẹn ẹvbo nekhua ni hia a, ma na gbele ikpia, ikhuo kevbe ibiẹka ni rrọ hia a, vbene a vbe ru avbe ẹvbo ni re ọghe Sihọn ne ọba Hesbọn.

Diuteronomi 7:2

Ugbẹn vbe Nọyaẹnmwa Osanobua rua a ghi viọ iran hia yan uwa obọ nẹ, ighẹ te uwa ghi khọn iran mu otọ, wa ghi gbele iran hia a. Wa ghẹ gu iran rhie obọ ye ebe rhọkpa, ra ne uwa tohan iran.

Diuteronomi 7:26

Wa ghẹ viọ vbe uwu amazẹ na la owa uwa hiehiere, ne unu ne a fi iran re ghẹ do sẹ uwa egbe. Ọ kere ne uwa gie avbe amazẹ nii gha sọnnọ uwa, ne uwa vbe gha zan iran rhunmwuda usun emwi ne fie ẹre unu ọre iran khin.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 10:40

E Jọsua keghi khọn mu otọe nii hia, ọ keghi khọn avbe ọba ni rre uhunmwu oke nii miẹn iran otọ, iwewe-Negev, ẹvbo ni rre ugboghodo kevbe ni rre ahọ oke kevbe ototọ oke vbe odẹ orrie deba ẹvbo ne amẹ i ye vbe odẹ ekẹn, ọ ma sẹ ọkpa rae ye agbọn. A keghi wa gbele ehia a. Erriọ ọ re Nọyaẹnmwa Osanobua Izrẹl gie.

Jọsua 11:14

Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”