Diuteronomi 2:31 - Edo Bible (E Baibol Ẹdo) Version 1996

³¹ “Ẹre Nọyaẹnmwa na tama mwẹ wẹẹ, ‘Ghe I wiẹghẹ Saihọn ne ọba kevbe otọe ẹre rua nẹ vbe odaro uwa, wa mu otọ ẹre ne uwa yin ẹnrẹn.’

Diuteronomi 2:31 ပူးပေါင်းရင်းမြစ်များ

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”

Diuteronomi 2:24

“Ma ghi la Moab gberra nẹ, e Nọyaẹnmwa keghi kha wẹẹ, ‘Banbanna nian, wa si okhian ne uwa ya fian Ẹzẹ Anọn rra. I ra rhie Sihọn ne ovbi Amọri ne ọ re ọba Hesbọn ye uwa obọ, ke ẹe kevbe otọe ẹre, wa suẹn ọnrẹn gha gu khọn ne uwa vbe miẹn re otọ.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Diuteronomi 2:32

E Sihọn keghi viọ emwa rẹn ladian bu ima gha dee ne iran do gu ima gbinna vbe ọkpẹn Jahaz.