Diuteronomi 2:25 - Edo Bible (E Baibol Ẹdo) Version 1996

²⁵ Ẹre na, I gha suẹn gha ya ohan uwa mu emwa vbe ehehia. A gha so eni uwa, emwa hia ghi gha guọ zẹzẹzẹ ba ẹmwẹ ohan.’

Diuteronomi 2:25 ပူးပေါင်းရင်းမြစ်များ

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

I Krọnikol 14:17

Ẹmwẹ e Devid keghi titi gba ehe hia, e Nọyaẹnmwa keghi gie ohan rẹn gha mu agbọn ẹvbo hia.

Psalm 105:38

Ohan iran kegha mu ivbi Igipt, iran keghi ghọghọ ua vbe iran kpao.

Ẹksọdọs 23:27

I gha gie afianma mwẹ gha fian iran ni mu aro igbinna da uwa, I ghi fian otighi fi emwa ne uwa gu gbinna egbe, I ghi vbe gie avbe eghian uwa fi iyeke werriẹ ne iran le hin odaro uwa rre.

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Nọmbas 22:3

afianma iran kegha fian ẹẹn ke ẹe kevbe emwa rẹn hia rhunmwuda iran bun gbe.

Diuteronomi 11:25

Ọmwa ọkpa ne ọ gha sẹtin gbe uwa odẹ, ẹ i rrọ. Ehe ne uwa arhirhi lao vbe otọe nii, e Nọyaẹnmwa gha ya emwa nii gha mu ohan uwa zẹ vbene irẹn khare.

Diuteronomi 28:10

Ẹghẹ nii, emwa ni rre agbọn na hia ghi do miẹn wẹ te Nọyaẹnmwa zẹ uwa ne uwa gha re emwa obọ ẹre, ohan uwa ghi gha mu iran.

Jọsua 10:2

Ohan keghi kakabọ mu emwa Jerusalẹm rhunmwuda, e Gibiọn kpọlọ vbe avbe ẹvbo nii ni ghi mwẹ ọha hia fẹẹrẹ, ọ vbe kpọlọ sẹẹ Eai, emwa ni vbe rrọọ, ivbiyokuo ni din ọ re iran khin.

Jọsua 9:24

Iran keghi wanniẹn wẹẹ, “Emwi ne ọ ya ima ru ẹe enọwanrẹn ọrọre wẹ ma họn ẹn wẹ emwata nọ, wẹ te Nọyaẹnmwa Osanobua ruẹ tama Mosis ne ọguọmwadia ẹre, ne ọ mu otọe nii hia ne uwa, kevbe wẹ ne uwa gha gbele emwa ni rrọọ khian, vbe ne uwa ya nana sikẹ odaro. Te ima ru ẹe rhunmwuda ohan uwa wa kakabọ gha mu ima, ohan uhunmwu ima ọ re ọ gha to ima.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.