Diuteronomi 2:23 - Edo Bible (E Baibol Ẹdo) Version 1996

²³ Emwa ni ke Kret ne otọe ne amẹ lẹga rre, keghi fuẹn avbe emwa Avim ni te rre avbe igue ni rrọ rhinrin ya sẹ odẹ ekẹn Gaza, iran keghi miẹn iran otọ, iran na yin evba.)

Diuteronomi 2:23 ပူးပေါင်းရင်းမြစ်များ

Gẹnẹsis 10:14

Patrus, Kaslu kevbe Kret ne ọ ghi do gha re emwa Filistin.

Gẹnẹsis 10:19

Odẹ Gera ya sẹ Gaza gha rrie odẹ Sọdom, Gomorra, Adma kevbe Zẹboim yasẹ Lasa.

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

II Ọba 18:8

Obọ ẹre ke ukhunmwu ne ivbi e Filistin, ọ na mu okuo ifuemwi gha rrie ehe ne iran ye kevbe igue ne ọ kpọlọ sẹẹ ya sẹ egbe ne ọ kanmwa sẹẹ. Ke Gaza kevbe otọe ni lẹga ẹre hia.

I Krọnikol 1:12

Patrus, Kaslu kevbe Kret (Evba ọ re uniẹn emwa Filistin, ke zọ ladian.)

Jerimaia 47:4

Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Emọs 9:7

E Nọyaẹnmwa khare wẹẹ, “Wa ne ivbi Izrẹl, vbene ẹmwẹ uwa ye mwẹ vbe ekhọe ọ re ẹmwẹ ivbi e Sudan vbe ye mwẹ vbe ekhọe. E Kret ọ re I ke viọ ivbi e Filistin gha dee, I keghi viọ ivbi e Siria ke Kaa gha dee zẹ vbene I viọ uwa ke Igipt gha dee.

Zẹfanaia 2:4

Orhiọnkpa i vbe kẹe vbe ore Gaza. Askẹlọn gha khian ne emwa i ghi ye vbe a te wa ẹdẹ eva, a gha khulo emwa ni rre Asdọd kua fo, a gha khulo ivbi Ẹkrọn hin ẹvbo iran rre.

Zẹkaraia 9:5

Askẹlọn ne ẹvbo gha miẹn ọna, ohan gha mu ẹẹn. Ore Gaza gha miẹn ọẹn, obalọ dan ghi sọ ọre obọ, erriọ Ẹkrọn khian vbe gha ye, idaehọ ẹre hia ghi dihoi rua. E Gaza gha miẹn wẹ rẹn i ghi mwẹ ọba. Emwa hia gha kpao hin Askẹlọn rre.

Iwinna 17:26

Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.

Jọsua 10:41

E Jọsua keghi khọn ehia muotọ ke Kadẹs Bania kpao vbe odẹ ekẹn Gaza, vbe ọkpẹn eghute deba isoko e Gosiẹn hia vbe odẹ ekẹn ya sẹ Gibiọn vbe odẹ okuọ.

Jọsua 11:22

A ma zẹdẹ sẹ ọkpa vbe avbe Anakim rae ye otọ Izrẹl. Sokpan a keghi sẹ ibozẹghẹ rae ye Gaza, e Gat kevbe Asdọd.

Jọsua 13:3

(do deba otọe Avim hia, gha rrie odẹ ekẹn otọe ne ọ ke ivbi ẹzẹ Sihọ kpao vbe ehe ne otọe Igipt Lae gha rrie odẹ okuọ ya sẹ ehe ne otọe Ẹkrọn lae, a keghi ka ena ba otọe Kenan; iran ni khaemwisẹ yan avbe Filistin kegha rre Gaza, Asdọd. Askẹlọn, e Gat kevbe Ẹkrọn.)

Jọsua 15:47

Asdọd kevbe Gaza keghi vbe rre evba do deba avbe okpẹvbo kevbe igue ni rrọọ ya sẹ ẹzẹ ne ọ rre uwu ọghe Igipt kevbe ọkpẹn Okun e Meditẹrrenian.

Giọgis 1:18

Iran ma khọn Gaza, Askẹlọn ra Ẹkrọn kevbe ẹvbo ni lẹga iran. E Nọyaẹnmwa keghi ye Juda obọ, iran ma mu avbe ẹvbo oke ya khian ọghe iran. Sokpan iran ma sẹtin khulo avbe emwa ni yin eghute kua rhunmwuda avbe emwa nii mwẹ ikẹkẹ okuo ematọn.